ІІМ банк арқылы болатын алаяқтықтың жаңа түрін ескертті

Ішкі істер министрі жасанды интеллект арқылы жасалатын алаяқтықтың жаңа түрі анықталғанын мәлімдеді, деп хабарлайды Orda.kz.

ІІМ-нің мәліметінше, әлеуметтік желілерде deepfake арқылы банктердің бірінің басшысының бейнесі қолданылған бейнеролик таралып жатыр. Бұл роликте азаматтарға Halyk+ деп аталатын инвестициялық платформаның көмегімен ірі көлемде ақша табуға болады деген жалған ақпарат айтылады.

«Ішкі істер министрлігі мұндай платформаның жоқ екенін мәлімдейді. Таралып жатқан ақпарат жалған және азаматтарды адастыруға бағытталған. Бұл ақшалай шығынға әкелуі мүмкін. Азаматтар кез келген белгісіз онлайн-платформалар арқылы ақша салу туралы ұсыныстардың алаяқтық тәуекелі жоғары екенін естен шығармауы тиіс», деп мәлімдеді ішкі істер министрлігі.

Сөз соңында қауіпсіздік мақсатында қаржылық операцияларды тек банктердің ресми бөлімшелеріне жеке барып жүргізу қажет екенін де тілге тиек етті.

Оқи отырыңыздар:

• Қазақстандықтардың деректерін сатқан: Астана мен Алматыда қылмыстық топ құрықталды
• Еліміздің кәсіби футбол клубтарын жекешелендіру қалай жүріп жатыр?
• Атырау облысы әкімінің орынбасары каратэден әлем чемпионы атанды