«Хуторлық» Хасанға қатысты тергеу аяқталды

Хасан Қасымбаевқа ресми айып тағылып, қазіргі уақытта ол қамауда отыр, деп хабарлайды Orda.kz.

BES.media-ға ішкі істер министрінің орынбасары Санжар Әділов берген мәліметке сәйкес, «Хуторлықтар» деп аталатын ұйымдасқан қылмыстық топтың басшысы ретінде танылған Хасан Қасымбаевқа қатысты қылмыстық іс бойынша тергеу жұмыстары аяқталған.

Санжар Әділовтің айтуынша, Қасымбаевқа ресми түрде айып тағылып, тергеу изоляторына қамалған.

Айта кетейік, Талдықорғанда өтіп жатқан Шерзат Полаттың ісіне байланысты сот процесі қоғамды дүр сілкіндірген трагедияның егжей-тегжейін ашып көрсетуде. 16 жастағы жасөспірімнің өліміне қатысты тыңдалымда жәбірленушілер мен куәгерлер оқиғаның мән-жайын баяндады.

Қаржаубай Нұрымовтың айтуынша, “Хуторлық” жігіттердің атынан елдің сескенетінін айтып, қанды түндегі оқиғаның мән-жайын түсіндірді. Оның айтуынша, бәрі ұлы Шерзат пен Дархан Әскентай арасындағы жанжалдан басталған. Әскентай “балаларды шақырамын” деп қорқытып, артынан “Хуторлық” аталып кеткен жігіттер келіп жеткен.