ХҚКО қызметкері қызметтік көлікпен кейуананы қағып, мерт қылды

Бұған дейін Алматы облысында болған адам өліміне әкелген жол апаты туралы белгілі болған. Қоғам белсендісінің айтуынша, оқиғаға ХҚКО қызметкері қатысы болуы мүмкін болған. Енді «Азаматтарға арналған үкімет» мемлекеттік корпорациясы қызметтік көліктің рөлінде филиал қызметкері болғанын растады, деп хабарлайды Orda.kz.       

Жол апаты 11 тамызда сағат шамамен 20:00-де Алматы – Шелек – Қорғас – Байсейіт автожолында болған.

Kia Sorento автокөлігі жолды белгіленбеген жерден кесіп өтіп бара жатқан 77 жастағы әйелді қағып кеткен. Әйел алған жарақатынан оқиға орнында қаза тапқан.

Ал 26 жастағы жүргізуші жол апатынан кейін оқиға орнынан кетіп қалған.

Оқиғадан кейін «Азаматтарға арналған үкімет» мемлекеттік корпорациясы қызметтік тексеру жүргізді. Тексеру қорытындысы бойынша филиал директоры мен оның орынбасары тәртіптік жауапкершілікке тартылды.

Басшылыққа тәртіптік жаза қолданылды. Филиал директорының жалпы мәселелер жөніндегі орынбасары өзіне жүктелген бағыт бойынша қызметтік көліктердің пайдаланылуын бақылауды тиісті деңгейде ұйымдастырмағаны, сондай-ақ қызметтік ақпараттың толықтығы мен объективтілігін қамтамасыз етпегені үшін жазаланды.

Ал филиал директоры филиал қызметіне жалпы басшылық жасау және бақылау, ішкі бақылау жүйесін ұйымдастыру, сондай-ақ мүліктің сақталуы мен мақсатты пайдаланылуын қамтамасыз ету жөніндегі қызметтік міндеттерін тиісті деңгейде орындамағаны үшін тәртіптік жауапкершілікке тартылды.

Ал көлік жүргізген қызметкердің жауапкершілігіне қатысты мемлекеттік корпорация оның құқықтық жауапкершілігін анықтау полиция мен соттың құзыретіне жататынын атап өтті.

Жүргізушінің кінәсі мен жауапкершілігі қылмыстық іс аясында анықталады.

Мемлекеттік корпорация қаза болған әйелдің отбасына көңіл айтты.

Оқи отырыңыз:

• «Азаматтарға арналған үкімет» басшысы ұсталды деген ақпарат жалған
• «Азаматтарға арналған үкімет» қызметкерлеріне  жеңілдетілген ипотека ұсынды