«Азаматтарға арналған үкімет» басшысы ұсталды деген ақпарат жалған

«Азаматтарға арналған үкімет» мемлекеттік корпорациясының»  басқарма төрағасы Сүйеніш Әбділдин ұсталған жоқ. Кейбір БАҚ басқаша мәлімдегенімен, ол өз міндеттерін атқарып жұмыс орнында жүр. Бұған 11 наурыз күні таңертең 1414 байланыс орталығына келген Orda.kz тілшісі көз жеткізді.

«Азаматтарға арналған үкімет» корпорациясына қарасты 1414 байланыс орталығы орналасқан Астанадағы «Асылтау» бизнес орталығына Orda.kz тілшісі келіп, мемлекеттік корпорацияның басқарма төрағасы Сүйеніш Әбділдиннің ұсталмағанына көз жеткізді.

Әбділдин байланыс орталығына келіп, халыққа қызмет көрсету орталығында кезекке тұру, құжаттардың дайындығын тексеру, психо-наркодиспансерден анықтама беру сияқты танымал қызметтерді өз бетінше көрсете алатын робот жұмысын тексеріп жүр.

Еске салайық, Сүйеніш Әбділдиннің қамауға алынғаны 10 наурызда белгілі болды. Бұл ақпаратты қазақстандық БАҚ-тың бірі өз дереккөзіне сілтеме жасап хабарлады. Orda.kz «Азаматтарға арналған үкімет» мекемесінің баспасөз қызметіне хабарласты, олар ақпаратты жоққа шығарды.

Бұл Orda.kz әшкерелеген алғашқы жалған ақпарат емес. Бұған дейін Orda.kz сайты оның  ұстамалғанын, тек «Азаматтарға арналған үкімет» басшылығын жауап алуға шақырылғанын анықтаған болатын.

Сол күні мемлекеттік корпорация «Азаматтарға арналған үкімет» мемлекеттік корпорациясының»  аппарат басшысы Қуандық Қуатовтың ұсталғаны туралы ақпаратты жоққа шығарды.

Десе де, көкейде сұрақ қалып қойды: мемлекеттік корпорация басшылығы неліктен жауап алуға шақырылып, қылмыстық іс қозғалды? Orda.kz осы тұрғыдан жауап алу үшін Қаржы мониторингі агенттігіне сауал жолдады.