Грузияда есірткімен ұсталған 18 жастағы қазақстандық өмір бойына сотталуы мүмкін

Грузияның Имеретия аймағында есірткіні заңсыз сатып алды, сақтады әрі аса ірі көлемде саудалады деген күдікпен Қазақстан және Украина азаматтары ұсталды, деп хабарлайды Orda.kz.      

Күдіктілердің екеуі де  2008 жылы туған жігіт пен бойжеткен. Олар әртүрлі уақытта әр жерде ұсталған. 

Тергеу олардың аса ірі көлемдегі метадонды заңсыз сақтап, сатуға қатысы бар екенін тексеру барысында анықтаған.

Есірткі заттары күдіктілердің уақытша тұрып жатқан жерін тінту кезінде табылып, тәркіленді. Сонымен қатар тергеп-тексеру жұмысы барысында күдіктілер метадонды өткізу үшін дайындаған жасырын орындарды өздері көрсетіп берген.

Оларға Грузия Қылмыстық кодексінің 260 бабының 4 тармағы бойынша қылмыстық іс қозғалған. Бұл бап 20 жылға дейін бас бостандығынан айыруды немесе өмір бойына бас бостандығынан айыру жазасын қарастырады.

Әзірге ешқандай нақты шешім шығарылған жоқ.

Оқи отырыңыз:

• Қостанай облысында әйел TikTok пен Instagram-да есірткі дүкенін жарнамалаған
• Елімізде есірткімен айналысатын 15 ҰҚТ жойылды
• Қылмыстық кодекстегі есірткі заттарын саудалауға қарсы қолданылатын жаза солқылдақ
• Оңай табыс іздеген жастарымыз есірткі таратушыға айналып барады