Германияның ең ірі ұлттық авиатасымалдаушысы Lufthansa қызметкерлерінің ереуілі үдей түсті

Lufthansa авиакомпаниясының, сондай-ақ оған тиесілі Lufthansa Cargo, CityLine және Eurowings ұшқыштары 13 сәуірде бастаған ереуілдерін 14-і де жалғастыратындарын мәлімдеді, деп хабарлайды Orda.kz.      

Наразылыққа шақыру 11 сәуірде Vereinigung Cockpit ұшқыштар мен авиаинженерлер кәсіподағының сайтында жарияланды.

Атап айтқанда, ереуіл 13 сәуірге жоспарланған неміс әуежайларынан Eurowings-тің барлық рейстеріне қатысты болады. Бұл ретте Таяу Шығыста сақталып отырған тұрақсыздыққа байланысты Lufthansa және Cargo жүк бөлімшесінің, сондай-ақ Германиядан Әзірбайжанға, Бахрейнге, Мысырға, Израильге, Иорданияға, Ирак, Йемен, Катар, Кувейт, Ливейге Оман, Сауд Арабиясы және Біріккен Араб Әмірліктеріне ұшатын CityLine ұшқыштары ереуілден босатылады.

«Vereinigung Cockpit (VC) ұшқыштар кәсіподағы бұл қадамға жұмыс беруші бірнеше еңбек дауларын шешуге дайын екенін білдірмегеннен кейін баруға мәжбүр. Пасхадағы ереуілден қалыс қалу туралы саналы шешімге қарамастан, салмақты ұсыныстар түскен жоқ. Жұмыс берушілер тарапынан жауап та, келіссөздерге нақты дайындық та болған жоқ»,— деді VC төрағасы Андреас Пиньейру (Andreas Pinheiro). 

Lufthansa компаниясындағы еңбек дауы ушыға түсуде, ұшқыштар мен бортсеріктердің бір бөлігі өткізген ереуілдерден кейін кәсіподақ наразылықтың жаңа кезеңін жариялады, ол тағы бірнеше күнге созылады.

Unabhängige Flugbegleiter Organisation (UFO) кәсіподағы сәрсенбі мен бейсенбі күндері екі күндік ереуілге шақырды. Ереуіл Франкфурт пен Мюнхеннен ұшатын барлық Lufthansa рейстеріне, сондай-ақ еншілес Lufthansa CityLine компаниясының Германияның ірі әуежайларынан — Берлин, Гамбург, Дюссельдорф, Кёльн, Штутгарт және Ганноверден ұшатын рейстеріне әсер етеді.

Ереуіл сәрсенбі күні сағат 00:01-де басталып, бұған дейін Vereinigung Cockpit кәсіподағына кіретін ұшқыштар жариялаған дүйсенбі мен сейсенбі күндеріндегі екі күндік ереуілді жалғастырады. Осылайша, Lufthansa әртүрлі қызметкерлер топтарының кезекті жұмыс тоқтатуларына тап болады.

UFO өкілдерінің айтуынша, жаңа наразылықтардың мақсаты — тарифтік келіссөздер барысында компания басшылығына қысымды күшейту. Кәсіподақ өкілі Хари Ягер алдыңғы ереуілдің жоғары деңгейдегі қолдауы жұмыс берушіге дабыл болғанын айтып, компанияның «қатаң ұстанымда» екенін және ымыраға келуге дайын еместігін атап өтті.

Ереуіл бейсенбі күні сағат 23:59-да аяқталуы тиіс, алайда дауды тез арада шешу мүмкіндігі әлі белгісіз. Мәселе шамамен 18 мың бортсеріктің еңбек жағдайларын жақсарту талаптарына, сондай-ақ біртіндеп жабу жоспарланып отырған CityLine үшін әлеуметтік жоспарға қатысты. Сонымен қатар, ұшқыштар зейнетақымен қамсыздандыруды жақсартуды талап етуде. Бұған дейінгі ереуілдер салдарынан жүздеген рейс тоқтатылған болатын.

Еске салсақ, Lufthansa (Люфтганза) — Германияның ұлттық авиатасымалдаушысы, Еуропаның ең ірі және әлемдегі жетекші авиаконцерндердің бірі. 1953 жылы құрылған, Франкфурт пен Мюнхенде орналасқан, Star Alliance альянсының тең құрылтайшысы. 75+ елдерге 200-ден астам бағыт бойынша рейстер орындайды.

Оқи отырыңыз:

• Авиотын қымбаттады: Әлем және Қазақстан нарығы қандай жағдайда?
• 13 теңгелік бензин: Иран өзін-өзі қалай алдап отыр?
• БАҚ: Украина әскери қимылдарға арналған қаражат тапшылығына ұшырады