Future Games-2026: Павел Дуров Астанада өткен ЖИ олимпиадасы жеңімпаздарына 100 мың доллардан астам сыйақы береді

09 тамыз 2026 15:00 Ләззат Нұрсапақызы

Фото: Ақорда мұрағатынан

Telegram негізін қалаушы кәсіпкер Павел Дуров Астанада өткен жасанды интеллект бойынша үшінші халықаралық олимпиада (IOAI 2026) жеңімпаздарына 100 мың доллардан астам қаражат бөлетінін мәлімдеді, деп хабарлайды Orda.kz.

Мемлекет басшысы Қасым-Жомарт Тоқаев Астанада өткен «Болашақ ойындары – 2026» халықаралық турнирін өзі ашып, сөз сөйледі.

Астанада өткен халықаралық «Болашақ ойындары — 2026» (Future Games) кеше өз мәресіне жетті. Аталған турнирде қазақстандық Team KZ командасы жеңіске жетті. Phygital Shooter финалында олар ресейлік LIGA PRO TEAM құрамасын 2:1 есебімен жеңіп, алтын медаль иеленді. Алтын жүлденің тағдыры Counter-Strike 2 ойыны бойынша өткен шешуші матчта анықталды.

«Жасанды интеллект бойынша халықаралық олимпиада кеше Астанада аяқталды. Командалық есепте Ресей құрамасы бірінші орын алды, ал менің туған қаламның өкілі Артём Горохов жеке есепте жеңіске жетті. Сондай-ақ қабылдаушы ел – Қазақстан үшін қуаныштымын, оның өкілі Дәужан Бекетов жеке есепте екінші орын алды. Біз ұйымдастырушылармен байланыстамыз, келесі аптада жеңімпаздарға Telegram арқылы сыйақыларды береміз, ол жалпы 106 500 доллардан асады. Барлық жеңімпаздарды құттықтаймыз!» деп жазды Дуров өзінің Telegram-арнасында.

Жеке тур қорытындысы бойынша жүлдегерлер:

Бірінші орын – Артём Горохов (Ресей);
Екінші орын – Дәужан Бекетов (Қазақстан);
Үшінші орын – Шао Цзыси (Қытай).

Жасанды интеллект бойынша халықаралық олимпиада 2–8 тамыз аралығында Астанада өтті. Мұндай деңгейдегі жарыс Орталық Азияда алғаш рет ұйымдастырылды.

Олимпиадаға 106 елден шамамен 500 оқушы, тәлімгер және қазылар алқасының мүшелері қатысты. Бір апта бойы қатысушылар машиналық оқыту, компьютерлік көру, табиғи тілдерді өңдеу және жасанды интеллекттің басқа бағыттары бойынша практикалық тапсырмалар орындады.

Командалық жарыс қорытындысы бойынша арнайы марапаттар келесідей:

Роботтар сайысындағы үздік өнер көрсеткені үшін Best Demonstration Award – Жаңа Зеландия құрамасына;
Роботтың ең креативті дизайны үшін Creative Robot Design Award – Гонконг құрамасына;
Робототехникада AI-native тәсілдерін үздік қолданғаны үшін AI-Native Robotics Award – Бразилия құрамасына берілді.

Тақырыпқа сай ұсынамыз:

Жаңалықтар

барлық жаңалықтар