Францияда аптап ыстыққа байланысты ядролық реакторлардың жұмысы уақытша тоқтатылды

Францияның EDF энергетикалық компаниясы бірнеше ядролық реактордың жұмысын уақытша тоқтатты. Бұған атом электр стансаларының реакторларын салқындату үшін пайдаланылатын өзен суларының шамадан тыс жылынуы себеп болған, деп хабарлайды Orda.kz.        

Егер су бұрынғыдан да ыстық күйде өзенге қайта жіберілсе, бұл су экожүйесіне зиян келтіруі мүмкін.

Соған қарамастан, Францияның электр энергетикалық жүйесінің операторы RTE елде электр энергиясы тапшылығы болмайтынын мәлімдеді. Компанияның дерегінше, кейбір нысандар уақытша тоқтағанның өзінде, елдегі қолда бар қуат тұтынушыларды толық қамтамасыз етуге жеткілікті екен.

Сондай-ақ Франция билігі аптап ыстық салдарынан кемінде 18 адамның денсаулығы сыр беріп, қайтыс болғанын растады.

Оқи отырыңыз:

• +50°C дейінгі ыстық пен қуаңшылық: Шілдеде Қазақстанның көп бөлігінде аптап ыстық болады
• Гүлнәр Бажкеноваға қатысты сот екінші шілдеде басталады
• Қазақстан Иран портында жерді жалға алып, мұхитқа шығуды жоспарлап отыр