«Еркіндік қанаты» қоғамдық қоры сайлауды бақыламау туралы шешім қабылдады

«Еркіндік қанаты» қоғамдық қоры алдағы Құрылтай сайлауын бақылауға қатыспау туралы ресми мәлімдеме жасады. Қор бұл шешімді алаңдаушылық тудыратын бірқатар себептермен байланыстырды, деп хабарлайды Orda.kz.       

«Еркіндік қанаты» қоғамдық қоры алдағы Құрылтай сайлауын бақылауға қатыспау туралы қиын әрі мәжбүрлі шешім қабылдады. 2016 жылдан бері қор бірде-бір сайлау науқанын жіберген емес. Сондықтан бақылаудан бас тарту – бірқатар маңызды факторларға байланысты қабылданған күрделі шешім. Сонымен қатар, EQ ұйымы бірнеше рет тікелей араласу әрекеттеріне де тап болды. Сондай-ақ EQ «Сайлау туралы» Конституциялық заңға енгізілген және құқық қолдану тәжірибесіне қатысты елеулі алаңдаушылық туғызатын өзгерістерді де назарға алады» деп жазылған қордың Instagram парақшасындағы хабарламада. 

Қор сондай-ақ алдағы сайлау кезеңінде бақылаушыларды қабылдау жүргізілмейтінін, сайлауға қатысты оқыту және түсіндіру іс-шаралары ұйымдастырылмайтынын, бақылаушы куәліктері берілмейтінін және дауыс беру күні сайлау учаскелеріне бақылаушылар жіберілмейтінін мәлімдеді.

«Еркіндік қанатының» хабарлауынша, 2019–2026 жылдар аралығындағы әртүрлі сайлау науқандары кезінде қор бақылаушыларының сайлау учаскелерінен негізсіз әрі заңсыз шығарылуы, қор кеңсесіндегі интернеттің жергілікті деңгейде өшірілуі және басқа да кедергілер тіркелген.

Оқи отырыңыз:

• ЖСДП Құрылтай сайлауына 33 кандидат тізімін бекітті
• Мемлекет сотталған Жанабыловтардың сегіз көлігін өз балансына алды
• Тамара Асар мен Аша Матай ҚХП атынан Құрылтай сайлауына кандидат ретінде ұсынылды