Ербол Қарашөкеев Жамбыл облысының әкімі болып тағайындалды

Жамбыл облысының әкімі болып тағайындалды. Ербол Қарашөкеев облыс әкімі болып тағайындалды.

Бұл туралы Ақорда хабарлады.

«Мемлекет басшысының Жарлығымен Қарашөкеев Ербол Шырақпайұлы Жамбыл облысының әкімі болып тағайындалды» деп хабарлайды Ақорданың баспасөз қызметі.

Бұған дейін Тоқаев жарлығымен Қарашөкеев ауыл шаруашылығы министрі қызметінен босатылған болатын. Ол 2021 жылдың күзінде ауыл шаруашылығы министрлігін басқарды. 2023 жылдың сәуірінде ол осы лауазымға қайта тағайындалды.

Бүгін, 5 қыркүйекте премьер-министр Әлихан Смайылов Жамбыл облысының барлық деңгейдегі мәслихаты депутаттары отырысына қатысу үшін Тараз қаласына келді.

«Әлихан Смайылов депутаттарға Мемлекет басшысының облыс әкімі лауазымына екі кандидатты – Нұрбол Жүнісбеков пен Ербол Қарашөкеевті қарауға ұсыну туралы хатын оқып берді» деп атап өтті үкіметтің баспасөз қызметі.

Ашық дауыс беру қорытындысы бойынша Жүнісбековтің кандидатурасын 47 депутат қолдаса, Қарашөкеевті қолдап 142 депутат дауыс берді. Дауыс беруге 189 депутат қатысты.

Айта кету керек, Ербол Қарашөкеев осы жылдар ішінде «ҚазАгро» холдингінің басқарма төрағасы, сондай-ақ Президент Әкімшілігінде, Қаржы және Ауыл шаруашылығы министрліктерінде түрлі қызметтерде болған.

Еске салайық, Жамбыл облысының бұрынғы әкімі Нұржан Нұржігітов 2023 жылдың 4 қыркүйегінде су ресурстары және ирригация министрі болып тағайындалған болатын.