АҚШ Эбола вирусын жұқтырған науқастарын Африкаға орналастырмақшы, Кения соты қарсы шықты

Кения соты АҚШ-тың Эбола вирусын жұқтырған америкалық науқастарды Африкаға орналастыру жоспарын тоқтатты, деп хабарлайды Orda.kz.       

The Washington Post-тың жазуынша Кения соты Трамп әкімшілігінің елде Эбола вирусына ұшыраған америкалықтарды карантинге алу және емдеу үшін уақытша далалық госпиталь салу жоспарын іске асыруды уақытша тоқтатты.

Сот бұл шешімді өмірге қауіп төнуі мүмкін деген негізбен қабылдады. Шешім дәл америкалық шенеуніктер нысанның жұмысын бастау қажет екенін мәлімдеген күні шыққан. Госпиталь бір уақытта 50-ге дейін науқасты қабылдауға есептелген. Бұл адамдар Конго Демократиялық Республикасындағы Эбола індетінің ошағында вирус жұқтыруы мүмкін болған.

АҚШ жоспарымен таныс дереккөздің айтуынша, сот шешімі Вашингтонның вирус жұқтырған америкалықтарды шұғыл эвакуациялау қажет болған жағдайда қалай әрекет ететініне қатысты биліктің дайын жоспары жоқ.

Әкімшілік жоспарына сәйкес, далалық госпиталь америкалық науқастарды қабылдайтын алғашқы пункт болуы тиіс еді. Ал ауыр жағдайдағы науқастар кейін Еуропадағы жақсы жабдықталған ауруханаларға жіберілуі керек болатын.

Кения бұл нысанды салуға келісім бергенімен, жоспар жарияланған соң ел ішінде қоғам наразылығын тудырды. Кейіннен конституциялық құқықтарды қорғаумен айналысатын Катиба институты бұл шешімді сотқа берді.

Жұма күні судья Эбола таралған аймақтардан келген кез келген адамды Кения аумағына кіргізбеу туралы шешім шығарды. Сондай-ақ, далалық госпиталь 2 маусымда өтетін сот тыңдауына дейін жұмысын бастамауы тиіс деп белгіленді.

Кейбір кениялық медицина мамандары Трамп әкімшілігінің бұл жоспары елге Bundibugyo штаммының ену қаупін арттырады деп мәлімдеді. Қазіргі уақытта Кенияда бұл ауру бойынша бірде-бір жағдай тіркелмеген.

«Біз Конгода ауру жағдайлары бар екенін және олармен күрес жүргізіліп жатқанын білеміз. Біздің елде тіркелген жағдай жоқ, сондықтан ондай нысанды осында құру — Кения ішінде Эбола таралуының жаңа ошағын қалыптастыру деген сөз», — деді Кения дәрігерлер одағының бас хатшысы Давджи Аттеллах.

Оқи отырыңыз:

• Африкада Эбола вирусы өршіп, 80 адам қаза болды
• ДДСҰ Африка елдеріндегі эбола індетін халықаралық маңызы бар төтенше жағдай деп жариялады
• ДСМ қазақстандықтарға хантавирус қаупіне қатысты ескерту жасады