Қарағанды облысында өртенген үй мен шаруашылық құрылысынан 8 газ баллоны шығарылды

Қарағанды облысында жеке тұрғын үй мен шаруашылық құрылысында өрт шықты. Оқиға салдарынан бір нысанның жабындысы опырылып түсіп, өрт сөндірушілер газ болландары жарылуының алдын алды, деп хабарлайды Orda.kz төтенше жағдайлар министрлігіне сілтеме жасап.

Ведомство мәліметінше, өрт Қарағанды облысындағы Новодолинский кентінде болған. Жеке тұрғын үй және оған жапсарлас салынған үш шаруашылық құрылысы жанған.

Оқиға орнына ТЖМ күштері жедел жеткен. Алғашқы бөлімдер келген кезде үй ішінде ағаш конструкциялар, жиһаздар мен тұрмыстық заттар ашық өртке оранған.

Сондай-ақ шаруашылық құрылыстарының бірінің жабындысы 15 шаршы метр аумақта опырылып түскен.

«Өртті сөндіру барысында ашық жалынға, қою түтінге және жоғары қауіпке қарамастан құтқарушылар 27 литрлік 8 газ баллонын өрт ошағынан жедел шығарып, ықтимал жарылыстың алдын алды», деп хабарлады ТЖМ. 

Өрт толық сөндірілді. Зардап шеккендер жоқ. Өрттің шығу себебі анықталып жатыр.

Оқи отырыңыз:

• ТЖМ Қазақстанның бірнеше өңірінің тұрғындарына ескерту жасады
• Елімізде төтенше жағдайлар министрлігінің 30 жылдығына орай 30 игі шара ұйымдастырылды
• Атырау облысында жол апатынан төрт адам қаза тапты