Қазақстан халықаралық деңгейде «+7» телефон коды бойынша тең құқықты мәртебесін бекітті
Фото: Pexels
Қазақстан халықаралық деңгейде «+7» телефон коды бойынша тең құқықты мәртебесін бекітті, деп хабарлайды Orda.kz.
Бұл туралы Қазақстан Республикасының Дүниежүзілік сауда ұйымы (ДСҰ) және халықаралық экономикалық ұйымдар жанындағы тұрақты өкілі Қайрат Төребаев мәлімдеді.
Халықаралық электр байланысы одағы (ХЭБО) — БҰҰ-ның байланыс саласындағы мамандандырылған ұйымы — Қазақстан мен Ресей арасындағы «7» телефон аймағын бірлесіп пайдалану туралы жаңа келісім жөніндегі ақпаратты ресми түрде жариялайды. Құжат 2026 жылғы 1 маусымда ХЭБО-ның жедел бюллетенінде жариялануы тиіс.
Келісім мерзімсіз негізде жасалып, 2025 жылғы 3 желтоқсанда күшіне енген.
Әңгіме Қазақстан мен Ресей бірлесіп пайдаланып отырған халықаралық «+7» коды туралы болып отыр. Жаңа келісім Қазақстанның тең құқықты серіктес мәртебесін бекітіп, елге тиесілі нақты код ауқымдарын айқындайды. Олар — +7 0, +7 6 және +7 7.
Бұл іс жүзінде нені білдіреді?
Бұған дейін келісім байланыс ведомстволары деңгейінде болған. Енді құжат екі ел үкіметтері деңгейінде бекітілді. Бұл мемлекетаралық мәртебесі жоғары келісім, яғни Қазақстанның мүддесін қорғау тетігі әлдеқайда күшейеді.
Сонымен қатар тұрақтылық кепілдіктері де артты. Бұрын тараптардың кез келгені келісімнен шығатыны туралы алты ай бұрын ескерте алатын болса, енді бұл мерзім 24 айға дейін ұзартылды.
Бұл азаматтар мен байланыс операторлары үшін үйреншікті телефон нөмірлер жүйесі алдағы жылдары да тұрақты әрі қорғалған күйінде сақталады дегенді білдіреді. Қазақстан тарабынан уәкілетті орган ретінде Қазақстан Республикасының Жасанды интеллект және цифрлық даму министрлігі белгіленді.
Бұл шарттардың ХЭБО алаңында бекітілуі Қазақстанның халықаралық байланыс ресурстарын басқару жүйесіндегі позициясын күшейтіп, цифрлық саладағы ұлттық мүдделерін қорғауға бағытталған тағы бір қадам ретінде бағаланып отыр.
Оқи отырыңыз:
Қазақстан Ресейдің қазақтар көп тұратын өңірлеріне мектеп салады
Жаңалықтар
- ҚР СІМ: Қазақстан босқындардың жаппай ағылуына жол бермейді
- «Алдымда өмір бойы түрме күтіп тұр»: Атыраудағы төрт адамның өліміне қатысты сотта 70 миллион теңге талап етілді
- Қазақстанда медицина қызметкерлерінің жалақысын көтеруге 33 млрд теңге бөлінді
- «Жағдайы жақсы отбасы»: Министр жұрт іздеген курьер әйел туралы пікір білдірді
- Тегіміз өмірге кедергі: Нұрқаділовтің немересі әкесі Қайраттың жұмыс таба алмай жүргенін жазды
- Президент дәрігерлерді кәсіби мерекелерімен құттықтап, денсаулық сақтау жүйесін дамытуға қатысты бірқатар мәлімдеме жасады
- Астанада бір топ жасөспірім бес оқушыны соққыға жыққан
- Павлодарда 34 миллион теңгеге жөнделген көпір суға батты
- Прокуратура тағы бір «резеңке пәтерді» анықтады: Алматыда бір бөлмелі пәтерге 990 адам тіркелген
- Семейде 8 және 14 жастағы екі бала із-түзсіз жоғалып кетті
- Иран мұнайы қайтадан әлемдік нарыққа шығарыла бастады
- Мәскеу мен Мәскеу облысына украин дрондары жаппай шабуыл жасады
- Депутат еліміздегі жер сілкінісі туралы халықты жедел ескерту үшін жасанды интеллект енгізуді ұсынды
- Өзбекстан құрамасы футболдан әлем чемпионатындағы дебюттік матчта Колумбиядан жеңілді
- АҚШ пен Иран арасындағы өзара түсіністік меморандумының ресми жобасы жарияланды
- Түрме ішінде қылмыстық топ құрып, ақша бопсалағандар жаза қосып алды
- Ақ жол, Дастан! — «Қайрат» Сәтбаевты «Челсиге» шығарып салды
- Ормуз бұғазы маңындағы Иран портында Қазақстанның өз алаңы болады
- «Самұрық-Қазына» АҚ басшысы президентке 3,3 триллион теңгенің 16 жобасын жүзеге асыру жоспарланғанын айтты
- Әдептік кеңес БҚО-да мас болып қызметтік көлік жүргізген әкімді жұмыстан шығаруды ұсынды
