Енді ХҚКО-дан құжаттарды постамат арқылы кез келген уақытта алуға болады

Қазақстанда дайын құжаттарды кешкі уақытта, демалыс және мереке күндері алуға мүмкіндік туды, деп хабарлайды Orda.kz.

Постамат халыққа дайын құжатты жеке ұяшық арқылы өз бетінше алуға мүмкіндік береді. Қызмет дайын болғаннан кейін азаматқа жеке код көрсетілген SMS келеді. Сол код арқылы ұяшық ашылады. Қосымша биометриялық сәйкестендіруден өту қажет.

Қазір постаматтар Қазақстанның 10 өңірінде жұмыс істейді. Олар арқылы мемлекеттік қызметтің 19 түрі бойынша құжат беріледі. Оның ішінде қайта жасалған куәліктер, мұрағат анықтамалары, аттестат пен дипломдардың дубликаттары бар. Хабарлама келгеннен кейін құжатты үш күн ішінде алу керек. Мерзімі өтіп кетсе, құжат стандартты тәртіппен маман арқылы беріледі. Ал қызмет құны – 518 теңге.

2025 жылдың қорытындысы бойынша бұл сервисті ең көп пайдаланғандар – Семей, Тараз және Түркістан тұрғындары.

Оқи отырыңыз:

• Тоқаев Қырғызстан президентімен телефон арқылы ортақ ұстанымдарын нақтылады
• Маңғыстаудағы Бейнеу полигонында әскери қызметші қаза тапты
• Түркістан облысында газ құбыры маңында көлік өртенді