Түркістан облысында газ құбыры маңында көлік өртенді

Түркістан облысы Төле би ауданындағы Абдулабад ауылында жол-көлік оқиғасынан газ құбырын күзететін аймақа автокөлік өртенді, деп хабарлайды Orda.kz.

Оқиға бүгін таңертең болған. QazaqGazAimaq АҚ-ның авариялық-диспетчерлік қызметіне газ құбыры маңында көлік өртенгені туралы хабарлама түскен.

«Оқиға орнына жеткен мамандардың мәліметінше, автокөлік жерүсті газ құбырына соғылған. Құбыр зақымдалып, газ тұтанып, салдарынан көлік өртенген. Алдын ала дерек бойынша, зардап шеккендер жоқ. Өрт жедел түрде сөндірілді», деп мәлімдеді ТЖМ.

Қауіпсіздікті қамтамасыз ету және жағдайды оқшаулау мақсатында мамандар «Зератас» газ тарату стансасынан газ беруді уақытша тоқтатып, жедел жұмыстар жүргізді. Қазіргі уақытта тұтынушыларға газ беру штаттық режимде жалғасуда, абоненттер ажыратылмаған.

Компания өкілдерінің айтуынша, тұрғындардың қауіпсіздігі мен газбен жабдықтаудың тұрақтылығына басты басымдық беріледі. Қажетті техникалық жұмыстар толық аяқталғаннан кейін нысан толық қалпына келтіріледі.

Мамандар тұрғындарды газ құбырларының күзет аймақтарында қауіпсіздік талаптарын қатаң сақтауға шақырды. Оқиғаның мән-жайы нақтыланғанға қосымша ақпарат беріледі.