Еліміздің қажыларына Пайғамбар музейіне барғанда жеңілдік беріледі

Қазақстанның Жидда қаласындағы Бас консулдығы мен музей операторы Al-Salam Company компаниясы меморандумға қол қойды, деп хабарлайды Orda.kz.      

Сауд Арабиясындағы діни нысандарды зиярат ету кезінде қазақстандық қажыларға жеңілдіктер қарастырылатын болды. Бұл туралыҚР СІМ хабарлама таратты.

Қазақстан азаматтары үшін Меккедегі Абрадж әл-Бейт кешенінде орналасқан Пайғамбардың өмірбаяны және ислам өркениеті халықаралық музейіне кіру билеттеріне жеңілдік беріледі. Жеңілдік бағдарламасы сондай-ақ Мединедегі музей филиалына да қолданылады.

Бас консулдықтың мәліметінше, Қазақстан аталған музеймен осындай келісім жасаған алғашқы ел. Бағдарлама шектеулі мерзімге іске қосылады және оны ұзарту мүмкіндігі бар.

Сонымен қатар, ҚР СІМ мәліметінше, қазіргі уақытта Астанада Орталық Азиядағы алғашқы Пайғамбар музейін ашуға дайындық жүргізіліп жатыр.

Оқи отырыңыз:

• Астанада 20 жастағы жігіт тісін емдеймін деп барып, өмірінен айырылды
• Этносаралық «Алтын шаңырақ» айтысында неміс ұлтының өкілі тамаша өнер көрсетті
• Жұқпалы аурулар маманы: Екпе ауру қоздырады деген — қауесет