Еліміздегі екі миллион гектардан астам пайдаланылмайтын жер мемлекет меншігіне қайтарылды

2025 жылы 2,1 млн гектар пайдаланылмай жатқан және заңсыз алынған ауыл шаруашылығы жерлері Қазақстанның мемлекеттік меншігіне қайтарылды, деп хабарлайды Orda.kz жер ресурстарын басқару комитетіне сілтеме жасап.

Жерлерді қайтару елде 2022 жылдан бастап жұмыс істейтін жерді тиімді пайдалану мәселелері жөніндегі республикалық комиссияның жұмысы шеңберінде жүргізіледі. Оның құрамына мемлекеттік органдардың, құқық қорғау құрылымдары мен жұртшылық өкілдері кіреді. 2025 жылы комиссия үш отырыс және 42 өңірлік кеңес өткізді.

Комитеттің мәліметінше, 2022 жылдан бастап 14,3 млн гектар жер мемлекеттік меншікке қайтарылды. Оның ішінде:

 2022 жылы - 5,4 млн гектар,

2023 жылы - 4,6 млн гектар,

2024 жылы - 2,2 млн гектар,

2025 жылдың басынан бастап - 2,1 млн гектар.

Қайтарылған жерлердің жалпы көлемінің 12,5 млн гектары жайылымдық жерлер. Тексеру көрсеткендей, 16 мыңнан астам шаруашылықта не мал жоқ, немесе жайылымға түсетін салмақ өте төмен болған.

2022 жылдан бастап қайтарылған жерлердің 7,7 млн гектары қайта бөлінді. Оның 2,7 млн гектары мал бағу үшін жалпы пайдалануға берілген, тағы бес млн гектары конкурстық негізде берілген. Бұдан басқа, жер пайдаланушылар 4,6 млн гектар жерді игере бастады.

Комитетте айтып өткендей, тағы 7,5 млн гектарды қайта бөлу жұмыстары жалғасуда. Әкімдіктерге ең алдымен жергілікті халықтың жайылымға деген қажеттілігін және ауыл шаруашылығымен айналысуды жоспарлаған азаматтардың мүдделерін ескеру тапсырылды.

Былтыр Жетісу облысының прокурорлары жалпы құны 170 миллион теңге болатын 58 мың гектардан астам жерді мемлекет меншігіне қайтарды.

Осы тақырыпты тереңірек білгіңіз келсе: 

Қайрат Қожамжаровтың туыстары Шымкент мұнай өңдеу зауыты маңындағы жерді қалай иеленіп, қалай жоғалтты?

«Жер дауы»: Аңшылыққа пайдаланған 212 мың гектар жер мемлекетке қайтарылды

2024 жылдың алғашқы бес айында мемлекет пайдаланылмай жатқан 645 мың гектар жер қайтарылды

Әбіләзовтың компаниясына қатысы бар жер телімдері мемлекетке қайтарылды