Жыл басынан бері мемлекет пайдаланылмай жатқан 645 мың гектар жерді қайтарды

2024 жылдың басынан бері пайдаланылмай жатқан 645,3 мың гектар жер мемлекет меншігіне қайтарылды, деп хабарлайды ҚР Премьер-Министрінің баспасөз қызметіне сілеме жасап Orda.kz.

«2024 жылдың басынан бері пайдаланылмай жатқан 645,3 мың гектар жер мемлекет меншігіне қайтарылды» делінген Премьер-Министрдің орынбасары Серік Жұманғариннің төрағалығымен өткен Үкімет отырысында жарияланған хабарламада.

Бұрын шығарылған өкімдерге сәйкес, 2024 жылы 102,5 мың гектар аумақта ауыл шаруашылығы мақсатындағы жерлерді игеру басталып, 477 мың гектар аумақты мәжбүрлеп алып қою бойынша сот процесі жүріп жатыр.

Сондай-ақ, жиында ауыл шаруашылығы мақсатындағы жерлерге құқық беру тәртібін цифрландыру барысы талқыланды. Пилоттық жоба аясында ауыл шаруашылығы мақсатындағы жерлерді беру бойынша конкурсты электронды түрде өткізу бойынша жұмыс жоспарлануда. Ол «Жетісу облысындағы аудандардың бірінде» сынақтан өтеді.

«Ауыл шаруашылығы жануарларының саны, ауылшаруашылық техникасының болуы, жұмыскерлердің бар-жоғы, тұрғылықты жері бойынша тіркеуі, әлеуметтік есепке алу журналында болуын қамтитын мемлекеттік деректер қорын біріктіру арқылы ұпайларды беру және жеңімпазды анықтаудың жаңа критерийлері белгіленді» делінген ақпаратта.