Депутат тойдаға «үздік құда» марапаттарына қарсы шықты

Мәжіліс депутаты Ерболат Сатыбалды орынсыз мақтан мен жалған беделге қатысты сын айтты, деп хабарлайды Orda.kz.

Мәжіліс депутатының айтуынша бүгінде халық марапат ұғымын мәнсіз ойыншыққа айналдырып жіберген. 

«Бүгінде, тойдағы даңғазалықтың шегі болмай тұр. Той иелері есік аттаған құдаларға «үздік құда» деген төсбелгі тағып, қасиетті марапат ұғымын мәнсіз ойыншыққа айналдырып жіберген.  Бұл тек тойдың деңгейінде қалса, жақсы ғой! Бірақ дерт қоғамға әсер етіп, өндіріс орыны мен еңбек ұжымдарына жетті. Өтірік марапат мен қолдан жасалған төсбелгілер алу сәнге айналды. Алып жатқан кейбір медаль мен төсбелгінің қадірі әлгі «үздік құда» төсбелгісінен де аспайды. Алайда, оған сұраныс бары қынжылтады» ,— дейді Ерболат Сатыбалды.

Сондай-ақ кейбір құрылымдар «алтын адам», «ғасыр адамы» секілді атаулармен энциклопедиялар шығарып, ақылы негізде адамдарды «мәртебеге» қосу тәжірибесін енгізгені сынға алынды. 

«Кейбір пысықайлар «алтын адам», «ғасыр адамы» атты энциклопедия шығарып, 300 мың теңге төлесең — өзіңді де, ата-бабаңды да «алтын адамдар» қауымына қосып беретін болды. «Қазақстанның құрметті азаматы» «Ұлт ұстазы», «Ғасыр ұстазы», «Қазақстанның қайраткері», «Алаш ұлы», «Ұлы Дала ұлы» «Арда азамат», «Тұлға» тізе берсең — шегі жоқ жалған төсбелгі мен ордендер» айналғаны көрсетілді ,—  дейді мәжіліс депутаты.

Еске сала кетейік, Миллиондаған қазақстандық өмір бойы қосымша зейнетақы төлемдерін ала алады. Бұл туралы Еңбек және халықты әлеуметтік қорғау министрлігі мәлімдеді.

Оқи отырыңыз:

• Мектеп директорына 3 млн теңге: «Алтын ханым – 2026» кім атанды?
• Неке бұзылған соң ортақ мүлік ана мен баланың келісімінсіз сатылмайды