Дауыс беру кезінде «өшіп кететін сия» туралы бейнеге ОКҚ түсініктеме берді
Фото: gov.kz
Әлеуметтік желілерде сайлау жәшіктеріне бюллетеньдердің жаппай тасталғанын дәлелдейді деген бейнероликтер таралуда. Бұл видеоларға қатысты түсініктемені Орталық коммуникациялар қызметі жанындағы дезинформацияға қарсы күрес орталығы берді, деп хабарлайды Orda.kz.
Орталықтың Telegram-арнасында хабарланғандай, таралып жатқан бейнероликтердің басым бөлігі әртүрлі уақыттарда басқа елдерде түсірілген. Мұны жүргізілген талдау көрсеткен. Сондай-ақ олардың арасында арнайы қойылым ретінде түсірілген немесе өзгертілген бейнелер де бар екені айтылды.
Мысалы, «жоғалып кететін сия» туралы видео алғаш рет интернетте 2019 жылы пайда болған. Ол кейін бірнеше рет Ресейде, Украинада және Қырғызстанда кеңінен таралған.
«Таралып жатқан материалдардың қалған бөлігі — 10–15 жыл немесе одан да бұрын жарияланған бейнежазбалар. Орталық барлық онлайн-платформаларда мұндай заңсыз бюллетень тастауға қатысты 32 бірегей видео тіркеді. Бұл олардың әртүрлі нұсқаларын есептемегендегі көрсеткіш» деп жазылған хабарламада.
Орталықтың мәліметінше, мұндай материалдарды пайдалану — ақпараттық арандатудың кең тараған тәсілдерінің бірі.
«Мұндай әрекеттердің мақсаты — референдум қарсаңында қоғамдағы сенім атмосферасын әлсірету және дауыс беру рәсімдері туралы бұрмаланған түсінік қалыптастыру», — деп атап өтті орталық өкілдері.
Сондай-ақ мамандар референдум күні жақындаған сайын манипуляциялық контенттің күрделірек түрлері, соның ішінде шынайы оқиғалар немесе лауазымды тұлғалардың мәлімдемелері сияқты көрінетін дипфейк-бейнелер де пайда болуы мүмкін екенін ескертті.
Дезинформацияға қарсы күрес орталығы азаматтарды мұндай жарияланымдарға сын көзбен қарауға, ақпарат көздерін тексеруге және расталмаған материалдарды таратпауға шақырды.
Сонымен қатар қазақстандықтарға еліміздің құқық қорғау органдары ақпараттық кеңістікті тұрақты түрде бақылап отырғаны ескертілді. Ал көрінеу жалған ақпаратты әдейі тарату қолданыстағы заңнамаға сәйкес құқықтық жауапкершілікке әкеледі.
Оқи отырыңыз:
Жаңалықтар
- Өскеменнің экс-әкімі Жақсылық Омар апелляциялық шағым түсірді
- Үкіметте тротуармен жүретін самокатшылардың мәселесін шешу тапсырылды
- Дубайда 22 жастағы қазақстандық не үшін өмірбақи сотталып, 300 млн айыппұл арқалады?
- Жапонияда жойқын жер сілкінісі: Цунами қаупі жарияланды
- Қырғызстан президенті Шахановтың қазасына көңіл айтты
- Ақмола облысында жол апатынан үш адам қаза тапты
- Алматыда көкке шығып, серуендеуге лайық әрі таптырмас 5 орын
- Қасым-Жомарт Тоқаев Мұхтар Шахановтың қайтыс болуына байланысты көңіл айтты
- Үй, көлік, қомақты ақша ұсынды: Қонаевта бойжеткен зорлық көргенін айтты
- «Мектепке шабуыл жасалады»: Түркияда күдікті хабарлама жазғандардың бәрі ұсталып жатыр
- Мұхтар Шахановтың соңғы аманаты жарияланды
- Қазақстанда жаңа мереке – Қазақтың тазысы мен төбеті күні пайда болды
- Space X бәсекелесі ұшырған зымыранының бірінші сатысын жерге қондырды
- Павлодарда қайтыс болған адамдарға «медициналық қызмет көрсетілген»
- ҚР ІІМ: Терроризм туралы жалған хабарламалар үшін жауапкершілік қатаң
- Яна Легкодимованы өлтіргендер тергеу изоляторынан түрмеге жөнелді
- Пайызы 12 есе жоғары: Ақтөбеде күдікті заңсыз ломбард қызметін ұйымдастырған
- Мысығын бір сағат бойы кір машинасында «жуған» әйел жазаланды
- Болгариядағы парламенттік сайлауда экс-президенттің партиясы жеңіске жетті
- Сегіз бала көз жұмды: АҚШ-та ер адам туыстарының балаларын қырып салды
