Дәрігерлер өңешінде ине тұрып қалған сәбиге дер кезінде жәрдем берді

Түркістан облыстық балалар ауруханасына 9 айлық сәби жедел жәрдеммен шұғыл жеткізілді. Сәби абайсызда ине жұтып қойған, деп хабарлайды  Orda.kz  «Qazaqstan» ұлттық телеарнасына сілтеп.

Дәрігерлер рентгендік тексеру арқылы бөгде заттың орналасқан орнын анықтап, дереу эндоскопиялық әдіспен оны сәтті алып шықты.

Медициналық көмектің жедел көрсетілуінің арқасында асқынудың алдын алынды. Қазір баланың жағдайы жақсы, ол үйіне шығарылды.

«Уақыт жоғалтпай, эндоскопиялық әдіс қолданылып, өңеште тұрып қалған ине сәтті түрде алынды. Медициналық көмектің жедел әрі кәсіби көрсетілуінің арқасында ықтимал асқынулардың алдын алу мүмкін болды» деп жазылған хабарламада. 

Анықталғандай, сәби абайсызда ине жұтып қойған. Дәрігерлер дереу рентгенологиялық тексеру жүргізіп, бөгде заттың нақты орналасқан орнын анықтаған.

Түркістан облыстық балалар ауруханасының мамандары – хирург Мұқағали Темірбеков пен эндоскопист Бабыр Ырысқұлов өңеште тұрып қалған бөгде затты сәтті алып шыққан.

Мамандар ата-аналарға балаларға қауіпті ұсақ заттарды қолжетімді жерде қалдырмауды ескертеді.