Ақтаулықтар кәдеге жарату алымын төмендетуді талап етті

Ақтау жүргізушілері шетелдік көліктерді заңдастыру құны бойынша утилизациялық алымды 2,5 млн теңгеге дейін төмендетуді сұрады, деп хабарлайды Orda.kz.       

Олардың айтуынша, Маңғыстау облысында шетелдік нөмірі бар шамамен 40 мың автокөлік әлі күнге дейін заңдастырылмаған, себебі олардың иелері 2 486 875 теңгеге дейін жететін утилизациялық алымды төлеуге қауқарсыз.

Көліктердің басым бөлігін жүргізушілер Грузиядан кеден арқылы заңды түрде әкелген. Алайда Қазақстанда тіркеу болмағандықтан, сақтандыру рәсімдеу мүмкін емес, ал осыған байланысты кез келген айыппұл автоматты түрде екі еселенеді.

Жүргізушілер президентке жүгініп, төлемді 25–50 айлық есептік көрсеткіш (108–216 мың теңге) көлемінде белгілеуді ұсынып отыр.

«Тіпті 8 мың автокөлікті алып, ұсынылған төлемге көбейтсек, бұл бюджетке айтарлықтай түсім әкеледі. Оған қоса жыл сайынғы салық та өседі. Біз төлеуден бас тартпаймыз, тек оның қолжетімді болуын сұраймыз», – деді жүргізушілердің бірі видеода.

Депутаттардың қоғамдық кездесуіне кіріп шыққан Ақтау тұрғындары осындай үндеу жасап, халықтың жанайқайын жоғарғы жаққа жеткізуді талап етті.

Оқи отырыңыз:

• Өңірлер өңешін керіп сұраса да берілмейтін қаржы неге жыл сайын «ҚазАвтоЖол» мен «Жасыл Дамуға» бөлінуі тиіс?
• «Дружба» құбыры жабылды: Қазақстан мұнай экспортын қайда жібереді?
• Сәби саудасы мен еңбекке жегу: ІІМ қылмыстың топтардың ісін әшкереледі