Дәрігерлер әйелден салмағы алты келіден асатын ісікті алды

Қазақстандық дәрігерлер Семей қаласындағы Ядролық медицина және онкология орталығында 47 жастағы науқасқа ота жасап, әйелден салмағы 6 келіден асатын өте үлкен ісікті алып тастады, деп хабарлайды Orda.kz.      

 Бірнеше жыл бойы әйел профилактикалық тексерулерден өтпеген, ал ауру симптомсыз дамыған.

Алынған ісіктің диаметрі 31 сантиметр, салмағы 6200 грамм болған. Қазіргі таңда науқастың жағдайы тұрақты, өміріне қауіп жоқ. Ол дәрігерлердің бақылауында болып, қалпына келу кезеңінен өтуде.

Мәселе биыл ақпан айында пациент қалалық клиникалардың біріне пневмониямен жүгінген кезде ғана анықталған. Тексеру кезінде дәрігерлер ірі ісікті анықтап, содан кейін оны мамандандырылған орталыққа жолдаған.

Ауруханаға жатқызылған кезде әйел ішінің кебетініне және тәбетінің төмендгііне шағымданған. Қосымша тексеру кезінде дәрігерлер лапароцентез - құрсақ қуысынан шамамен 7 литр сұйықтықты алып тастайтын аз инвазивті процедура жүргізіп, бұл сәл де болса оның жағдайын жеңілдетуге мүмкіндік берген.

Отадан кейін әйел дәрігерлердің бақылауында. Жағдайы тұрақты деп бағаланған, өміріне қауіп төніп тұрған жоқ. Қазіргі уақытта ол оңалтудан өтіп жатыр.

Дәрігерлер бұл жағдай тұрақты профилактикалық тексерулердің маңыздылығын айқын көрсететінін атап өтті. Тіпті шағым болмаған жағдайда да, уақытында скринигтен өтіп тұрған адам ауруын ерте кезеңде анықтап,  емдеу әлдеқайда оңай болады.

Оқи отырыңыз:

• Алматыда орталық қалалық ауруханаға 2,5 млн теңге айыппұл салынды
• Қолына «қайтыс болғаны» туралы күәлігін алған Владимир Шремф «тірілді»
• «Қазақстан — ортақ үйіміз»: Астанада 2000 оқушы «Алтын ұя» күйін тартты