Cыйақы 36 млн теңгеден асады: Бибісара Асаубаева Norway Chess турнирінде жеңіске жетті

Қазақстан шахматшысы Бибісара Асаубаева әйелдер арасындағы ең беделді Norway Chess 2026 турнирінің чемпионы атанды, деп хабарлайды Orda.kz.        

Бұл жарыста жеңімпазға 700 000 норвегиялық крон беріледі, бұл шамамен 36,4 млн теңге. Соңғы турға дейін Асаубаева 16,5 ұпай жинап, қарсыластарынан айтарлықтай озып кеткендіктен, чемпиондық атақ мерзімінен бұрын анықталды. Оны өкшелеп келе жатқан украиндық шахматшы Анна Музычук 11,5 ұпай алып, біздің спортшыны қуып жете алмады.

Турнирдің жалпы жүлде қоры 1,69 млн норвегиялық крон. Екінші орын иегері 350 000 крон, ал үшінші орын иегері 200 000 крон алады.

Тараз қаласының тумасы бұған дейін 2021 және 2022 жылдары әлем чемпионы атанған еді. Былтыр үшінші мәрте жеңіске жетті. Тоқаев Бибісара Асаубайды жеңісімен құттықтап, || дәрежелі «Барыс» орденімен марапаттады.

Биыл белгілі шахматшы Бибісара Асаубаеваның анасы Лиана Таңжарықова Қазақстан шахмат федерациясын сынға алып, спортшылардың тұрақты жалақыдан қағылғанын мәлімдеген болатын.

Оқи отырыңыз:

• Тоқаев Бибісара Асаубаеваны «Барыс орденімен» марапаттады
• Әлемге танымал шахматшы Бибісараның анасы даулы мәлімдеме жасады
• Бибісара Асаубаева мен Жансая Әбдімәлік жанжалдасып қалды