Бүгін елімізде Аналар күні мерекесі

Премьер-министрдің орынбасары – мәдениет және ақпарат министрі Аида Балаева қазақстандықтарды мамыр айының екінші жексенбісінде атап өтілетін Аналар күнімен құттықтады, деп хабарлайды Orda.kz.       

Аида Балаева өз құттықтауында аналардың қазақстандық қоғамдағы ерекше рөлін және отбасылық құндылықтардың маңызын атап өтті.

Оның айтуынша, қазақ мәдениетінде ана бейнесі әрдайым айрықша болған, ал ұрпақтан ұрпаққа жалғасып келе жатқан құндылықтар Қазақстан халқының бірлігі мен рухани күшінің негізі болып қала береді.

«Бұл ерекше әрі шынайы жылулыққа толы мереке, махаббатқа, алғысқа және құрметке толы күн. Бұл күн бізге өмір, мейірім мен қамқорлық сыйлайтын жандарға арналады» деп жазылған құттықтауда. 

Аида Балаева сондай-ақ Қазақстанда ана мен балалы отбасыларды қолдауға бағытталған мемлекеттік саясат жүйелі түрде жүзеге асырылып жатқанын атап өтті. Оның ішінде әлеуметтік қолдау шараларын дамыту, мектепке дейінгі білім беру жүйесін жетілдіру және жауапты ата-ана болу бағдарламалары бар.

«Ана — жылулыққа, мейірімге, шексіз махаббат пен қолдауға толы тұтас бір әлем. Отбасыларыңызда әрдайым жылу, сүйіспеншілік пен береке болсын», — деп атап өтті министр. 

Аналар күні мамырдың екінші жексенбісінде АҚШ, Канада, Германия, Италия, Түркия, Жапония, Бразилия және Аустралия сияқты 20-дан астам елде атап өтіледі. Қазақстанда бұл мереке ресми түрде 2023 жылы бекітілген.

Бұл күн ананың мәртебесін айқындайтын қазақстандықтар үшін ерекше мәнге мереке. Бұл мамырдың екінші жексенбісінде аталып өтуі тиіс мереке отбасы институтын нығайту мен ана мәртебесін көтеруге бағытталған.

 2023 жылдың маусымында үкімет мереке күнтізбесіне сәйкес қосымшаны бекітіп, оған қол қойды.

Аналар күні — бүкілхалықтық мереке. Бұл мереке жарық дүниеге бала әкеліп, өсірген әйелдерге ғана емес, әлемнің жарығы мен шуағын силаған анасына алғысы бар әрбір адамға да қатысты.

Әлеуметтік Кодексте балалары бар отбасыларды әлеуметтік қолдаудың қосымша шаралары көзделген, оның ішінде бала күтімі бойынша төлем мерзімі 1,5 жасқа дейін ұзартылды.

Оқи отырыңыз:

• Мемлекет басшысы анасы туралы жылы естеліктерін жариялады
• 12 мамыр елімізде Аналар күні мерекесі
• Елімізде әлемнің жарығын сыйлаған – Аналар күні мерекесі