«Бурабайда» екі өрт тұтанып, сөндіруге тікұшақ шықты

Қазақстанда бір тәулік ішінде үш орман өрті тіркелді. Оның екеуі «Бурабай» ұлттық паркі аумағында, тағы бірі «Семей орманы» резерватында болды, деп хабарлайды Orda.kz.       

25 шілде күні Қазақстанның орман қоры жерлерінде үш өрт тіркелгені хабарланды.

Екі өрт «Бурабай» ұлттық паркі аумағында болды. Өртті сөндіруге «Қазавиаорманқорғау» РМК-ның Ми-8 тікұшағы қатысты.

«Орманшылар мен  «Қазавиаорманқорғау» әуе-десанттық өрт сөндірушілерінің жедел әрі үйлесімді әрекеттерінің арқасында өртті оқшаулау жұмыстары жеделдетілді» делп жазылған хабарламада. 

Тағы бір өрт «Семей орманы» мемлекеттік орман табиғи резерваты аумағында тіркелді. Ведомствоның мәліметінше, өрттің ошағы найзағай разряды салдарынан пайда болған және аумағы шағын болған.

«Найзағай разряды салдарынан пайда болған шағын өрт ошағы қысқа мерзімде толықтай сөндірілді», деп хабарлады ведомство.

Өрт қаупі жоғары кезеңге байланысты табиғатта демалушылар мен орман пайдаланушыларына өрт қауіпсіздігі ережелерін қатаң сақтау ескертілді.

Оқи отырыңыз:

• Астанадағы әуетакси сынағы: Алғашқы вертипорт қайда салынады?
• АҚШ-тың жаңа кедендік баждары: Қазақстанға қатысы бар ма?