Биыл 3,9 миллион түлек мектеп бітірді, 13 175 оқушы «Алтын белгіге» үміткер

Қазақстанда 2025–2026 оқу жылы ресми түрде 25 мамыр күні аяқталды. Биыл ел бойынша 3,9 миллионға жуық оқушы оқу жылын тәмамдады, деп хабарлайды Orda.kz.       

Оқу-ағарту министрлігінің мәліметінше, 9-сыныпты 343 мың оқушы бітірсе, 11-сыныпты 215 мың түлек аяқтап отыр. Олардың ішінде 13 175 оқушы «Алтын белгіге» үміткер. Ал 9 және 11-сыныптардың 49 мыңнан астам оқушысы үздік аттестат алуы мүмкін.

Сонымен қатар биыл 168 мың колледж студенті де оқуын аяқтайды.

Мектеп бітірушілер үшін қорытынды емтихандар 29 мамыр мен 15 маусым аралығында өтеді. Емтихан материалдары әр мектепке дәл емтихан өтетін күні жеткізіледі.

Түлектерге аттестат тапсыру рәсімі 17–18 маусым күндеріне жоспарланған.

Бұған дейін министрлік 11-сынып бітірушілеріне арналған салтанатты кештерді тек мектеп қабырғасында өткізу керектігін ескерткен болатын. Мейрамханаларда, кафелерде немесе банкет залдарында кеш ұйымдастыруға тыйым салынған. Сондай-ақ ата-аналардан ақша жинауға болмайды. Бұл талаптардың сақталуын жергілікті атқарушы органдар мен полиция бақылауға алған.

Еске салсақ, алдағы оқу жылдарына арналған мемлекеттік білім беру гранттарының көлемі белгілі болды. Ғылым және жоғары білім министрі Саясат Нұрбек 2026 жылғы 26 мамырда Үкімет отырысында тиісті мәліметтерді жариялады.

Оқи отырыңыз:

• 55 жастағы мұғалім 13,5 тонналық автобусты жалғыз сүйреп, екінші рет әлемдік рекорд орнатты
• Қандай мамандар сұраныста: Биылғы жылға арналған гранттар бөлінісі
• Айт қарсаңында құрбандық малы айтарлықтай қымбаттады