55 жастағы мұғалім 13,5 тонналық автобусты жалғыз сүйреп, екінші рет әлемдік рекорд орнатты
Бейнеден скриншот
Астаналық мұғалім Айгүл Ержанова тағы бір ерекше жетістікке қол жеткізіп, 13,5 тонналық автобусты жалғыз өзі сүйреп, әлемдік рекорд орнатты, деп хабарлайды Orda.kz.
Бұл оқиға елордадағы №1 автобус паркінде өтті. 55 жастағы ұстаз ауыр техниканы 14 метр қашықтыққа сүйреп апарған.
Айгүл Ержанова Астанадағы №50 мектептің бастауыш сынып мұғалімі. Ол бұл әрекетін жай ғана рекорд үшін емес, биыл мектеп бітіріп жатқан түлектерге мотивация беру мақсатында жасағанын айтты. Ұстаздың сөзінше, адам алға мақсат қойып, табандылық танытса, кез келген арманы орындалады.
Рекордты тіркеу рәсіміне Азия және Африка елдері бойынша әлемдік рекордтарды тіркейтін Global Best Of RECORDS ұйымының өкілдері қатысты. Ұйымның бас офицері Қуандық Құдайбергеновтің айтуынша, әлемде ауыр көліктерді сүйреу бойынша рекордтар болғанымен, 50 жастан асқан әйелдер арасында мұндай салмақтағы автобусты тартқан адам бұрын тіркелмеген. Сондықтан бұл нәтиже ресми түрде әлемдік рекорд ретінде енгізілмек.
Айта кетерлігі, бұл Айгүл Ержанованың алғашқы рекорды емес. Өткен жылы ол жалпы салмағы 8 тонна болатын екі пикапты 57 метрге сүйреп, рекордтар кітабына енген еді. Биыл сол жетістігін жаңартып, одан да ауыр көлікті таңдаған.
БАҚ мәліметінше, Айгүл Ержанова спортпен кәсіби түрде кейінгі жылдары ғана айналыса бастаған. Соған қарамастан, қысқа уақыт ішінде ауыр атлетикадан ондаған медаль жеңіп алып, бірнеше рекорд орнатқан. Ол бұған дейін президент қолынан «Қазақстанның еңбек сіңірген ұстазы» марапатын да алған.
Рекорд орнату кезінде автобус арнайы тексерістен өткізіліп, оның нақты салмағы 13,5 тонна екені расталған. Ұстаз автобусты небәрі бір минут шамасында қажетті қашықтыққа дейін сүйреп апарған. Әлемдік рекорд талаптарына сәйкес экстремалды санаттағы нәтижені тіркеу үшін кемінде 10 метр қашықтық жеткілікті болса, Айгүл Ержанова 14 метрді еңсерген.
Бұл оқиға әлеуметтік желіде де қызу талқыланып жатыр. Көпшілік мұғалімнің ерік-жігері мен қайсарлығына таңғалып, оны жастарға үлгі боларлық тұлға деп бағалауда. Әсіресе, оның жасына қарамастан жаңа биіктерді бағындыруы көптеген адамға шабыт сыйлағаны айтылып жатыр.
Оқи отырыңыз:
Жаңалықтар
- БАӘ-де қаза болған екі қыздың денесі Дубайдан елге жөнелтілді
- Бақытжан Базарбек өзі қағып кеткен адамға қатысты жаңа мәлімет берді
- «Бұндайларға рақым жоқ»: Садыр Жапаров «халық жауларын» жазалауға шақырды
- Түркістанның 100 тонна еті Алматыда 20 пайыз жеңілдікпен сатылады
- Непал мен Қытай шекарасындағы апат аймағында үш қазақстандық іздестіріліп жатыр
- Тоқаев Ядролық сынақтарға қарсы күрес күні қазақстандықтарға үндеу жасады
- Трамп Венесуэламен «тарихи» мұнай келісімін жариялап, бензин бағасы түсетінін айтты
- 1 қыркүйекте мұғалімдерге гүл сыйлауға бола ма? Оқу-ағарту министрлігі жауап берді
- Әділет Жауғашар «Сүй иә» әнінің сөзін өзгертті
- «13 млн теңге несие ал!» Алаяқтардың айтқанын орындап, полицияға да, ұлына да сенбеген
- Байзақ ауданында полиция басшысының экс-орынбасары пара алған
- Құрылтайда сегіз тұрақты комитет құрылып, төрағалары сайланды
- Құрылтай төрағасының орынбасарлары сайланды
- Құрылтай төрағасы болып Айбек Дәдебай сайланды
- Алматыда ұшақ өртенді
- Маңғыстауда жасөспірім қызды бірнеше адам жабылып ұрып-соққан
- «QARMET» АҚ-ға 1,5 млрд теңге залал келтірген ҰҚТ-ның 13 қатысушысы сотталды
- Тоқаев: Қыркүйектің екінші жартысында Халық Кеңесі жасақталады
- Тоқаев Құрылтай спикері қызметіне Айбек Дәдебайды ұсынды
- Тоқаев 16 жасқа толмағандардың әлеуметтік желіге тіркелуіне тыйым салуды қолдады
