Бірнеше қызды зорлап өлтірген «бішкектік маньяк» өзіне қол жұмсады

Қырғызстандағы бірнеше қызды өлтірген «бішкектік маньяк» тергеу абақтысында өзіне қол жұмсады, деп хабарлайды Orda.kz Kaktus.Media сайтына сілтеп. 

Былтыр Жел-Арық ауылы маңынан жоғалып кеткен 17 жастағы М.Айсулуудың мәйіті табылды. Тергеу шаралары барысында оның алдымен зорланғаны, кейін өлтірілгені анықталды. Көп ұзамай бұл қылмысқа күдікті ретінде Абдыров ұсталды. Тергеу кезінде ер адам Айсулууды өлтіргенін және басқа да қылмыстар жасағанын мойындады. Осыдан кейін Қырғызстанның бұқаралық ақпарат құралдары оны «бішкектік маньяк» деп атай бастады.

Қылмыскер 2011 жылы Орок ауылында жүкті келіншекті зорлап, өлтіріп кеткен. Әйелдің денесі егістік алқабынан табылды. 2014 жылы 10 наурызда Бішкекте 19 жастағы Камила Дүйшебаева жоғалып кеткен. Оның мәйіті алты күннен кейін Байтик ауылынан табылды. Құмарбек Абдыров қызды өз шарфымен тұншықтырып өлтірген. Камиланың өлімінен кейін үш күн өткен соң, Раззаков көшесінен 22 жастағы қыздың мәйіті табылған. Ол да зорланып, тұншықтырылып өлтірілген. 2015 жылы Абдыров бір қызды каналға итеріп жіберіп, артынан үлкен тас лақтырған. Абырой болғанда қыз аман қалған. Бір жылдан кейін Кумарбек Абдыров 12 жылға сотталып, кейін жаза мерзімі 7 жылға қысқартылған. Айта кетейік, Абдыровқа Айсулуудың өлімі бойынша үкім әлі шықпады. 

Қылмыстық-атқару қызметі Абдыровтың 7 ақпан күні шамамен 12:30-да өзіне қол жұмсағанын хабарлады. Сараптамалар тағайындалып, тексеру жүргізіле бастады. 

Оқи отырыңыз:

• Қырғызстан президенті өзінің іс басқарушысына ескерту жасады
• Қырғызстан аузынан қағынып, опық жеген Екатерина Биволды қамауға ордер шығарды
• Қырғызстан мигранттардың туыстарына тегін медициналық көмек көрсетуден бас тартқан Ресейді сотқа берді