Балалардың аузына түкіруімен танылған әнші қоғамнан теріс айналды

Қазақстандық әнші Төреғали Төреәлі шығармашылық жолын аяқтағанын жариялады, деп хабарлайды Orda.kz.

Бұл туралы ол Instagram парақшасында қысқа, бірақ драмалық сипаттағы жазба қалдырған:

«Жетер. Бәрін тоқтаттым. Сахна. Камера. Ән. Жарық. Келесі қадам — үнсіздік» деп жазды әнші. 

Төреғали Төреәлінің бұған дейін түрлі даулармен аты шыққан болатын. Солардың бірі 2019 жылы Астанада өткен концерттердің бірінде болған. БАҚ мәліметінше, концерт кезінде екі кішкентай бала сахнаға шығып, әншіге гүл сыйламақ болған. Алайда, Төреғали оларға алғыс айтудың орнына, олардың аузына түкірген, мұнысы балалардың есінде қалсын деген әрекет болса керек.

Сондай-ақ, ол есірткіге мас күйде көлік жүргізгені үшін 20 тәулікке қамалып, жеті жылға жүргізуші куәлігінен айырылған. Сонымен қатар, әншіге қатысты ҚР ҚК-нің 378-бабы — «Билік өкілін қорлау» бойынша қылмыстық іс қозғалған.

 2023 жылы Төреғали Төреәлінің Алматыдағы атышулы қамаудан кейінгі суреті әлеуметтік желіде тарап кетті.  Ол артынша қамауға алынғаны туралы өлең шығарды.

Былтыр атышулы Төреғали Төреәлі Алматыдағы Арбатқа қайыршы болып киініп, көшедегі жұрттан қайыр сұрады.