Желіде хәл үстінде жатқан Төреғали Төреәлінің суреті пайда болды

Қазақстандық әнші Төреғали Төреәлінің Алматыдағы атышулы қамаудан кейінгі суреті әлеуметтік желіде тарап кетті.

Төреғали Төреәлі маусымның 14-і күні Алматы жолында есірткіге мас күйінде көлік жүргізіп, полицейлерден қашпақ болған кезде бағдаршамның қызыл түсіне өтіп, көлігі тоқтаған кезде тәртіп сақшыларының талабын орындаудан бас тартқан.

Салдарынан атышулы әншіні ондаған куәгердің көзінше көліктен сүйреп шығарып, байлап тастаған. Кейін полицейлер болған оқиғаның егжей-тегжейлі бейнежазбасын көрсетті.

Келесі күні әлеуметтік желіде туыстары, таныстары мен полиция қызметкерлерінің қоршауында әншінің тыныш ұйықтап жатқан суреті жарияланды.