БАҚ: Нұрлан Сабуров Ресейдегі көлігін 10 миллион рубльге сатты

Нұрлан Сабуров Мәскеудегі Cadillac Escalade көлігін 10 миллион рубльге сатты. Көлікті әзілкештің жұбайы сатқан, ол толық төлемді алғаннан кейін Қазақстанға ұшып кеткен, деп хабарлайды Orda.kz.

Ресейлік пабликтердің мәліметінше, Нұрлан Сабуровтың Cadillac Escalade маркалы жол талғамайтын көлігі биыл наурыз айында 10 млн рубльге сатылған. Сауда-саттық рәсімі комиктің жұбайы Диананың қатысуымен өткен. Ақпаратқа сәйкес, Диана көлік үшін толық төлемді алғанға дейін Ресейде біраз уақыт  болып, артынша Қазақстанға ұшып кетіпті.

Қазір Ресейде Сабуровтың Мәскеу облысы Истра ауданындағы коттедж қалашығындағы Новорижский кентінде орналасқан үйі мен жер телімі қалған. Жылжымайтын мүлік көлемі 1285 шаршы метр. Оның шамамен бағасы 115 млн рубль деп бағаланып отыр.

Еске салай кетейік, осыдан біраз уақыт бұрын Сабуровтың жары Мәскеуден Алматыға қоныс аударғанын әлеуметтік желіде жазған еді.

Оқи отырыңыз:

• Нұрлан Сабуровтың отбасы Алматыда тұрақты тұру үшін көшіп келді ме?
• «Жігіттер жеңіспен оралсын». Сабуров Ресей әскерін қолдаған видео жарияланды