БАҚ: Иранның жоғары лидері Әли Хаменеи өлтірілді

Иранның жоғары басшысы Әли Хаменеи АҚШ пен Израильдің шабуылы кезінде қаза тапты, деп хабарлайды Orda.kz.

Бұл туралы Reuters және Times of Israel жоғары лауазымды израильдік шенеунікке сілтеме жасай отырып хабарлады.

БАҚ хабарынша, Аятолла Әли Хаменеи денесін қиранды астынан тапты. Израильдің 12-ші телеарнасы хабарлағандай, Хаменеи денесінің суреті премьер Биньямин Нетаньяхуға және жоғары лауазымды қауіпсіздік қызметкерлеріне көрсетілген.

«Хаменеи біздің барлау және өте күрделі бақылау жүйелерінен қашып құтыла алмады және Израильмен тығыз ынтымақтастықта жұмыс істей отырып, ол да, онымен бірге өлтірілген басқа көшбасшылар да ештеңе істей алмады. Бұл иран халқы үшін өз елін қайтарудың ең үлкен мүмкіндігі. Ислам революциясы сақшылары корпусының (ИРСК) көптеген мүшелері, әскерилер, қауіпсіздік қызметтері мен полиция бөлімшелері енді соғысуды қаламайды және иммунитетке ұмтылады.Жоғарыда айтқанымдай, Қазір оларда иммунитет болуы мүмкін, кейін оларды тек өлім күтіп тұр. ИРСК пен полиция ирандық патриоттармен бірігіп, елге лайықты Ұлылықты қайтарады деп үміттенеміз. Барлық Таяу Шығыс пен әлемде тыныштық орнамайынша, бомбалау үздіксіз жалғаса береді», деп жазды Трамп әлеуметтік желіде

Оқи отырыңыздар:

• Тоқаев Ирандағы жағдайдың ушығуына байланысты қауіпсіздік шаралары бойынша тапсырма берді
• Иран қарулы күштері Таяу Шығыстағы АҚШ-тың 14 әскери базасына cоққы жасады
• Қазақстан мен тағы бірнеше ел Ираннан өз дипломаттары мен азаматтарын кетуге үндеді