Тоқаев Ирандағы жағдайдың ушығуына байланысты қауіпсіздік шаралары бойынша тапсырма берді

Қасым-Жомарт Тоқаев Иран төңірегіндегі жағдайдың ушығуына байланысты қауіпсіздік шаралары жөнінде тапсырмалар берді, деп хабарлайды Orda.kz. 

Президент Қасым-Жомарт Тоқаев Қауіпсіздік Кеңесінің Хатшысы Ғизат Нұрдәулетовке күштік құрылымдар мен салалық министрліктердің жетекшілерімен бірге Ирандағы ахуалдың ушығуына және еліміздегі тұрақтылыққа қатер төндіру ықтималдығына байланысты шұғыл шаралар жоспарын әзірлеуді тапсырды.

«Президент Қасым-Жомарт Тоқаев Қауіпсіздік кеңесінің хатшысы Ғизат Нұрдәулетовке күштік құрылымдар мен бейінді министрліктердің басшыларымен бірлесіп, Иран айналасындағы ахуалдың шиеленісуін және еліміздегі тұрақтылыққа ықтимал қатер белгілерін ескере отырып, шұғыл шаралар қабылдау жоспарын әзірлеп ұсынуды тапсырды. Мемлекет басшысының тапсырмасына сәйкес барлық күштік ведомстволар тәулік бойы жұмыс режиміне көшірілді, Үкіметте Сыртқы істер министрлігінің үйлестіруімен арнайы мониторингтік топ жұмысқа кірісті. Өңір әкімдеріне Таяу Шығыстағы қалыптасқан жағдайды ескере отырып, тиісті шаралар қабылдау жүктелді», – деді президенттің кеңесшісі – баспасөз хатшысы Айбек Смадияров. 

Мемлекет басшысының тапсырмасымен барлық күштік құрылымдар тәуліктік жұмыс кестесіне көшірілді. Үкіметте Сыртқы істер министрлігі жетекшілік жасайтын арнайы мониторинг тобы жұмысқа кірісті. Өңір әкімдеріне Таяу Шығыста болып жатқан жағдайды ескере отырып, шешім қабылдау тапсырылды.

Еске салайық, 28 ақпанда  Израиль Иранға соғыс ашты, ал АҚШ президенті Дональд Трамп Иранда ауқымды әскери қимылдардың басталғанын мәлімдеді. Соғыстың басталуына байланысты Қазақстанның Таяу Шығыс бағытындағы бірқатар әуе рейстері тоқтатылды. АҚШ пен Израильдің Иранмен қақтығысы өңірдегі бірнеше елге әсер етті.

Қазақстанның Сыртқы істер министрлігі Таяу Шығыстағы соғысқа байланысты шетелдегі қазақстандықтарға қайда хабарласу керектігі жөнінде ақпарат берді.