«Аз жалақыға ауыр жұмыс істейді»: Коммуналдық қызметкерлерді сынап басы дауға қалды

Алматыда жергілікті тұрғын үзіліс кезінде демалып отырған коммуналдық қызметкерлерді видеоға түсіріп, жұмысшылардың отырып, жатып демалып жатқанына наразылық білдірді, деп хабарлайды Orda.kz.

Алайда видео жарияланғаннан кейін сынның астында әйелдің өзі қалды. Видео Майлин көшесінде түсірілген.

«Демалып жатыр. Қоқыс жәшіктері тазаланбаған, мүлдем жиналмайды, есесіне біз ұйықтап жатырмыз. Мұның бәрін интернетке саламын, бәрі білсін. Міне, орындықта жатып алған тағы бір әйел», – деді ол.

Әйелдің ескертуінен кейін жұмысшылар орындарынан тұрып, жинала бастаған.

Видео интернетте тарағаннан кейін адамдар жағдайға мүлдем басқаша көзқарас білдірді. Олар коммуналдық қызметкерлердің көшеде ауыр дене еңбегімен айналысатынын және үзіліс кезінде отырып, демалуға құқығы бар екенін еске салды.

«Таңнан ерте тұрып, аз жалақыға ауыр жұмыс істеп, қаламыздың тазалығын қамтамасыз ететін адамдардың еңбегін біз әрдайым байқай бермейміз. Мен өз басым олардың отырып, шай ішіп, демалуға мүмкіндігі бар екенін көргенде қуанамын. Еңбектеріңізге рақмет! Ал мін іздейтіндерге айтарым: қолдарыңды тартыңдар» деп жазды Тимур.

Желі қолданушылары видео авторына осындай жұмысты өзі істеп көруді ұсынды.

Пайдаланушылар әйелдің өзімен бірге серуендеп жүрген итіне де назар аударды. Комментаторлардың бірі жануардың тұмылдырықсыз жүргенін айтып, иттің иесімен профилактикалық әңгіме жүргізуді ұсынды.
 

Оқи отырыңыз:

Жаңа оқу жылы: Қазақстанда қандай өзгерістер болады?

Әуежайда бет-жүзбен 15 секундта тексеру: Қазақстанда жолаушылар үшін не өзгереді?