Әуежайда өз-өзін өртеп жіберген ер адамның жағдайы белгілі болды

Алматы әуежайында өз-өзін өртеп жіберген ер адамның жағдайы белгілі болды, деп хабарлайды Orda.kz.

Жанып кете жаздаған ер адам №4 қалалық клиникалық аурухананың жансақтау бөліміне жатқызылды. Қоғамдық денсаулық басқармасы науқастың жағдайы өте ауыр екенін айтты.

«Қазір ол денсаулық сақтау министрлігінің клиникалық хаттамасына сәйкес толық көлемде ем қабылдап жатыр»,  деп атап өтті ведомство.

Еске сала кетейік, оқиға 25 тамыз күні сағат 22:06-да  Алматы халықаралық әуежайының T1 терминалында болды. Бейнежазбада байқалғандай, ер адам өз-өзін өртеп, қатты күйіп қалды. Сол арада өртті полиция мен қауіпсіздік қызметінің қызметкерлері жылдам сөндіріп, зардап шеккен адамды дәрігерлерге тапсырды.