Алматыда бір ер адам өзін-өзі өртемек болды: Қылмыстық іс қозғалды

Алматыдағы әуежайда бір ер адам полицияның көзінше өзін өртемек болды, деп хабарлайды Orda.kz. 

Оқиға бүгін сағат 22:06 шамасында «Т-1» терминалында кассаның жанында болған. 

Көліктегі полиция департаменті баспасөз қызметінің мәліметінше, полиция қызметкерлері әуежайдың қауіпсіздік қызметімен бірлесіп өртті тез сөндіріп, жедел жәрдем бригадасын шақырған. Ер адам дереу қалалық ауруханаға жеткізілді. Оқиғаға байланысты қылмыстық іс қозғалды.

Көліктегі полиция департаменті ер адамның мұндай әрекетке баруына  азаматтық некедегі жұбайымен қақтығысы себеп болғанын мәлімдеді. Оқиғаның барлық мән-жайлары сотқа дейінгі тергеу барысында анықталады.

Айта кетейік, Бағанашылдағы шудан кейін Алматы облысының білім басқармасына жаңа басшы келді.