Атыраудағы түгелдей бір отбасының ажалы: Ақбаян Мұқанғалиеваға қатысты қылмыстық іс тоқтатылды

Ақбаян Мұқанғалиеваға қатысты қылмыстық іс бойынша жаңа мәліметтер белгілі болды. Ол – төрт адамды өлтірді деген күдікке ілінген Сұлтан Сәрсемалиевтің бұрынғы жұбайы, деп хабарлайды  Orda.kz.       

Әйел аса ауыр қылмысты жасыру дерегі бойынша күдікті ретінде қаралған. Алайда Атырау облыстық прокуратурасының мәліметінше, тергеу барысында оның қылмысты жасырғанын дәлелдейтін жеткілікті айғақтар табылмаған. Осыған байланысты Ақбаян Мұқанғалиеваға қатысты қылмыстық іс тоқтатылды.

2026 жылғы 6 қаңтарда Атырау облысының Қызылқоға ауданында ерлі-зайыптылардың мәйіті табылған. Ал Жангелдин ауылының тағы екі тұрғыны – Наурыз Мұқанғалиев пен Мейрамгүл Қарабалина – наурыз айының басында бұрын Сұлтан Сарсемалиев пен оның жұбайы жалға алып тұрған үйден табылды.

Ақпан айының соңында іздеуде жүрген 29 жастағы күйеу бала Сұлтан Сәрсемалиев пен оның 30 жастағы жұбайы Индонезиядан табылды. 9 наурызда олар Атырауға жеткізілді.

Сот отырысы қоғамда үлкен резонанс тудырды. Залға қаза тапқандардың туыстары, Атырау тұрғындары және Қазақстанның түрлі өңірлерінен келген журналистер жиналды. Істі аса ауыр қылмыстар бойынша бірнеше процестерімен танымал судья Зарема Хамидуллина қарап жатыр.

Тергеу барысында Сәрсемалиев бірнеше рет оқиғаға қатысты тергеу әрекеттеріне қатысу үшін изолятордан шығарылған. Алдымен ол Мұнайшы ықшамауданы аумағында, тергеу нұсқасы бойынша, Мирамгүлдің денесі көмілген жерді көрсеткен. Кейін ол қылмыс жасалды делінген Жангелдин ауылы аумағына да жеткізілген.

Бұл іс қоғамда үлкен резонанс туғызды. Сот залына қаза тапқандардың туыстары, қала тұрғындары және Қазақстанның түрлі өңірлерінен келген БАҚ өкілдері жиналды.

Істі судья Зарема Хамидуллина қарап жатыр. Ол бұған дейін де аса ауыр қылмыстар мен өмір бойына бас бостандығынан айыру жазасына қатысты бірқатар резонансты істермен танылған.

Бұған дейін тергеу негізгі күдікті ретінде 29 жастағы Сұлтан Сәрсемалиевті қамауға алған болатын. Ол әйелі Ақбаян Мұқанғалиевамен бірге шетелге қашып кетіп, Индонезияның Сенару ауылында ұсталып, елге қайтарылды.

Қазіргі уақытта сот процесі жалғасып жатыр.

Оқи отырыңыз:

• Қатаң жазаға дайынмын: Сұлтан Сәрсемалиев сотта қылмысын мойындады
• Сот процесінде Сұлтан Сәрсемалиевтің ата-анасының сөзі тыңдалды
• Атырауда қайын жұртын қырып тастаған Сұлтан Сәрсемалиевке қатысты сот процесі басталды