Атырау облысындағы жанармай құю бекетінде автобус өртеніп кетті

Автобус Атырау облысындағы автожанармай құю станциясында (ЖҚС) өртеніп кетті, деп хабарлайды Төтенше жағдайлар министрлігінің баспасөз қызметіне сілтеп Orda.kz.       

«Бүгін Атырау облысы Доссор кентіндегі автожанармай құю станциясы аумағында автобус өртеніп кетті. Оқиға туралы дабыл 112 пультіне келіп түсті, тез арада ТЖМ күштері мен құралдары жіберілді. Өрт сөндірушілердің жедел іс-қимылы өрттің жанармай құю станциясына одан әрі таралуының алдын алды, бұл анағұрлым ауыр зардаптарға әкелуі мүмкін еді» деп жазылған хабарламада.

«Зардап шеккендер жоқ»,  деп толықтырды ТЖМ.

Құтқарушылардың үйлесімді жұмысының арқасында өрт тез арада сөндірілді.

Еске салсақ, 9 қараша күні Алматыдағы «Перзент» балалар үйінде өрт шықты. Тілсіз жау асхана жақтан басталған. Айта кетейік, бұл балалар үйінің негізін қалаушы мыңдаған балаға қамқорлық танытып келе жатқан Әмина Әжібаева. Төтенше жағдайлар министрлігінің мәліметінше, өрт болған сәтте ғимаратта адамдар болмаған.

Сондай-ақ, Алматы облысы Еңбекшіқазақ ауданында  бес пәтерлі бір қабатты үйде өрт шықты.

Жыл басында СҚО-да өрт кезінде үш бала мен екі ересек адам қаза тапты.