Алматыдағы балалар үйін жалмаған өрт: Әмина Әжібаева алаяқтарға ескерту жасады

Алматыдағы «Перзент» балалар үйінде болған өрттен кейін ұйым басшысы Әмина Әжібаева әлеуметтік желіде мәлімдеме жасап, жылу жинап жүрген алаяқтарға ескерту жасады, деп хабарлайды Orda.kz.

9 қараша күні Алматыдағы «Перзент» балалар үйінде өрт шықты. Тілсіз жау асхана жақтан басталған. Айта кетейік, бұл балалар үйінің негізін қалаушы мыңдаған балаға қамқорлық танытып келе жатқан Әмина Әжібаева.

 Төтенше жағдайлар министрлігінің мәліметінше, өрт болған сәтте ғимаратта адамдар болмаған.

«Тәрбиеленушілер дер кезінде эвакуацияланып, қауіпсіз жерде көшірілді», – деп мәлімдеді ТЖМ.

Ал бүгін Әжібаева әлеуметтік желіге шығып, көпшілікке үндеуін айтты. Ол осы қайғылы сәтті пайдаланып жан-жақтан балалар үйіне «көмек» деп ақша жинайтында көбейіп кете ме деп қауіптенеді.

«Мен балалардың көмірін әкеліп алайын деп кеткен едім. Бір кезде маған үй өртеніп жатыр деген хабар келді. Сол арада қайтып келсем 4-5 сағаттан бері өртеніп жатыр екен. Осы орайда айтарым, біздің баратын жеріміз бар, балалар аман-есен.  Біз ешкімнен көмек сұрап жатқан жоқпыз. Осы жағдайды пайдаланып, ақша жинайтын әрекеттеріңді тоқтатыңдар. Керек болып жатса өзім айтамын. Баратын жеріміз бар, қазір үйден түк қалмады өртеніп кетті бәрі», – деді Әжібаева.