СҚО-да өрт кезінде үш бала мен екі ересек адам қаза тапты

Солтүстік Қазақстан облысының Ступинка ауылында жеке үй өртенді. Өрттен бірнеше отбасы мүшелері қаза тапты, деп хабарлайды Orda.kz.

Өрт туралы хабарлама бүгін түнде 112 пультіне түсті. Өрт сөндірушілер келген кезде үй толығымен жалынға оранды.

«Алдын ала болжам бойынша өртенген аумақ 104 шаршы метр болады. Газ балонының жарылуынан шатыр төбесі опырылды. Оқиға орнында ТЖД бастығы полковник Жомарт Асқаров жүр», деп өңірлік төтенше жағдайлар департаменті түсініктеме берді.

Өрт болған үйде әкесі мен оның төрт баласы тұрған. Тағы бір ұлы Петропавлда колледжде оқиды. Анасы бірнеше жыл бұрын қайтыс болған, әкесі балаларын жалғыз тәрбиелеп отырған.

25 градусқа жететін қатты жел мен аяз өрт сөндіруді қиындатты. ТЖД аудандық бөлімнің қызметкерлері бірнеше ай бұрын Ступинка ауылында тұрғын үй секторын аралап шыққанын атап өтті.

Қайғылы оқиғаның себептері анықталуда.