«Бекіре-2026» акциясы: Атырау облысында 378 заңбұзушылық анықталып,13 қылмыстық іс қозғалды

22 сәуір 2026 10:32 Ләззат Сұңқар

Фото: gov.kz

«Бекіре-2026» акциясы барысында Атырау облысында 378 заңбұзушылық анықталды, деп хабарлайды Orda.kz.

Биылғы жылдың 1 сәуірінен 31 мамырына дейін Атырау, Маңғыстау және Батыс Қазақстан облыстарында жыл сайынғы «Бекіре» кең ауқымды балық қорғау акциясы өтетінін бұған дейін ауыл шаруашылығы министрлігі хабарлаған болатын.

Құнды балық түрлерінің уылдырық шашу кезеңінде табиғат қорғау және құқық қорғау органдары қызметкерлері балықтардың, оның ішінде бекіре тұқымдас балықтардың уылдырық шашу орындарына көшуін қамтамасыз ету мақсатында заңсыз балық аулау мен оның айналымына қарсы іс-қимыл бойынша күш біріктірді.

Атырау облысында «Бекіре-2026» акциясы барысында 378 түрлі заңбұзушылық анықталып, 1 келі қара уылдырық, 300 келі бекіре балығы және 5 тоннадан астам заңсыз ауланған балық тәркіленді.

«Әкімшілік жауапкершілікке 267 адам тартылды. Браконьерлік және сирек кездесетін, жойылып кету қаупі бар балық түрлерін заңсыз айналымға жіберу фактілері бойынша 13 қылмыстық іс қозғалд» , – деп мәлімдеді Жайық-Каспий облысаралық бассейндік балық шаруашылығы инспекциясының ресми өкілі Олег Тушканов.

Оның айтуынша, салынған айыппұлдардың жалпы сомасы 7,5 млн теңгені құрады, 44 аулау құралы және 40 су көлігі мен көлік құралдары тәркіленді.

«Өзендер мен теңіз акваториясын күнделікті қарау кезінде 483 заңсыз аулау құралы табылды», – деп атап өтті Тушканов.

«Бекіре-2026» балық қорғау акциясы 31 мамырға дейін жалғасатынын еске саламыз.

Акция аясында су қоймаларында браконьерлік фактілері болуы ықтимал орындарда стационарлық және жылжымалы бекеттер ұйымдастырылды, Батыс облыстарының трассаларында мобильді топтар құрылды. Негізгі күштер Каспий теңізінің жағалауында және Жайық және Қиғаш өзендерінің тұстама алдындағы кеңістіктерінде шоғырланатын болады, өйткені бұл жерлерде браконьерлік фактілері жиі тіркеледі.

Оқи отырыңыз:

Жаңалықтар

барлық жаңалықтар