Астанада жүк көлігі 6 жастағы баланы қағып өлтірді

Астанада жүк көлігі 6 жастағы баланы қағып, бүлдіршін оқиға орнында көз жұмды, деп хабарлайды Orda.kz.

Қайғылы жол апаты Тәуелсіздік даңғылы бойында, Пушкин көшесіне бұрылыс маңында болған. Полиция департаментінің мәліметінше, 26 мамыр күні Mercedes маркалы жүк көлігінің жүргізушісі Тәуелсіздік даңғылымен келе жатып, Пушкин көшесіне оңға бұрылған сәтте жолдың жүру бөлігін кесіп өтіп бара жатқан велосипед айдаған жас баланы қағып кеткен.

«2026 жылғы 26 мамырда Mercedes маркалы жүк автокөлігінің жүргізушісі Тәуелсіздік даңғылымен келе жатып, Пушкин көшесіне оңға бұрылу кезінде жолдың жүру бөлігін кесіп өтіп бара жатқан велосипедшіні қағып кеткен. Жол-көлік оқиғасы салдарынан кәмелетке толмаған бала алған жарақаттарынан оқиға орнында қайтыс болды» деп жазылған полиция департаментінің ресми хабарламасында.

 Алдын ала мәлімет бойынша, көз жұмған бала небары 5-сынып оқушысы болған екен. Аталған факт бойынша қылмыстық іс қозғалды. 

Оқи отырыңыз:

Әл-Фараби даңғылындағы жол апаты: Полицейге қатысты тергеу аяқталды

Бейімбет Майлин ескерткішінің мойнына мініп алған қыз жазаланды

Жұмбақ өлім: «Баламды қасақана өлтірді» — Ерзаттың анасы