Астанада жолаушылар автобусы өртеніп кетті

Астанада жолаушылар автобусы өртеніп, елордалық құтқарушылар өртті жедел түрде сөндірді, деп хабарлайды Orda.kz  ҚР ТЖМ баспасөз қызметіне сілтеп.

Барлық жолаушылар құтқарушылар келгенге дейін салоннан өз бетінше шықты.

«Есіл ауданындағы әл-Фараби даңғылында маршруттық автобустың мотор орналасқан өртеніп кетті. Оқиға орнына ТЖМ және Апаттар медицинасы орталығының бөлімшелері дереу жіберілді. Келген соң өрт сөндірушілер автобустың моторлы бөлігі ашық жалынмен жанып тұрғанын анықтады. Құтқарушылар келгенге дейін барлық жолаушылар салоннан өз бетінше шықты» деп жазылған хабарламада. 

Құтқарушылар қысқа мерзім ішінде өртті жойып, өрттің бүкіл автобусқа таралуына жол бермеді.

Зардап шеккендер жоқ. Өрттің себебін анықтайды.

Оқи отырыңыз:

• Жетісу облысындағы тасжолда түнгі жол апаты болып, бес адам қаза тапты
• Алматыда неге жарық жиі өшіп, бағдаршамдар істемей тұр?
• Екі жыл бойы алимент төлемей, 4,7 млн теңге қарыз жинаған тұрғын жазаланды