Астанада жаңа AI Research University ашылады: Болашақта ЖИ үлесі арта түседі

Президенттің тапсырмасымен елімізде жасанды интеллект университеті құрылатын болды. Ол Астанадағы EXPO аумағында орналасады, деп хабарлайды Orda.kz.      

Астанадағы EXPO аумағында ашылатын жаңа жасанды интеллект университетінде оқу 2026 жылдың қыркүйегінде басталады.

Дәрежесі бойынша бакалавриат пен магистратура бағдарламаларын оқытады. Оқыту жүйесі AI+X қағидаты бойынша, яғни жасанды интеллектіні медицина, қаржы және энергетикаға енгізу.

Жобаның негізгі мақсаты — білім мен өндірісті біріктіріп, технология саласына жаңа мамандар дайындау. Мұндай орталықтың ашылуы AI-ды шетелге бармай-ақ, өз елімізде терең меңгеруге мүмкіндік береді. 

Шетелде де, Қазақстанда да жасанды интеллектті (ЖИ/AI) жұмыс процестеріне белсенді енгізу үрдісі қарқынды жүріп жатыр. AI күнделікті машақатты істерді автоматтандырып, өнімділікті арттыру құралына айналып бара жатыр.

Атап айтсақ, бір аптада үш алып компаниядан мыңдаған жұмыс орыны босады. 23 сәуірде Meta штатының 10%-ын 8000 адамды қысқартты. Snap 1000 қызметкерін, бұл олардың 16%-ы. Ал Microsoft та 7%-ына шамамен 8750 адамға өз еркімен жұмыстан кету ұсынылды.

Үшеуінің де ресми себебі осы жасанды интеллектке деген тәуелділік. Жасанды интеллект қайталанатын жұмысты азайтады. Meta-ның өзі  биыл жасанды интеллектке құйған инвестицияларының орнын толтыруға жанталасып жатыр.

Нарық бұл өзгерісті қағып алып,  әлемнің көптеген елдері, әсіресе қытай мен жапондар жанталас өндіріске енгізіп жатыр, оның салдары түбінде бәрімізге де қатысты болады.

Мәселен, бұрын бәрі ұзын промпт жазуға үйрететін: рөл бер, контекст қос, қадам көрсет, мысал келтір, шектеу қой. Неғұрлым ұзақ болса, соғұрлым жақсы нәтиже шығады деген түсінік болды.

Ал OpenAI GPT-5.5 туралы жаңа нұсқаулықта бәрі керісінше: қысқа, нақты, нәтижеге бағытталған промпттар көбіне жақсырақ жұмыс істейді. Тіпті олар бұрынғы промпттағы барлық нұсқауды көшіре бермеңіз дейді. Себебі ескі тәсіл жаңа модельге артық шу қосып, жауапты механикалық қылып жіберуі мүмкін.

Мамандардың айтуынша, алдағы 5 жылда жасанды интеллект еңбек нарығын түбегейлі өзгертеді. Технологияны меңгерген мамандар еңбек нарығында жоғары сұранысқа ие болады. Қазақстан да бұл үрдістен тыс қалмай, шетелдік IT мамандарын Astana hub порталы арқылы тартуға белсенді жұмыс істеп жатыр.

Оқи отырыңыз:

• Google қызметкерлері жасанды интеллектті әскери мақсатта пайдалануға қарсы
• Еліміздің тергеушілері қылмысты жасанды интеллект көмегімен ашады 
• Тоқаев Alem.ai халықаралық жасанды интеллект орталығын аралады
• Қазақстан цифрлық әлеуетін күшейтіп, әлемдік рейтингте көтерілуде