Астанада үш көлік соқтығысып, велосипедшіні қағып кетті

Астананың қақ ортасында үш көлік қатысқан жол апаты болып, оның салдарынан велосипедші қағылған. Қаза тапқандар жоқ, деп хабарлайды Orda.kz.

Полиция департаментінің мәліметінше, жол апаты 30 тамызда Тәуелсіздік және Қалдаяқов көшелерінің қиылысында болған.

Алдын ала мәлімет бойынша, Kia Rio көлігінің жүргізушісі солға бұрылған кезде қарсы бағытта келе жатқан L9 автокөлігіне жол бермеген.

Соқтығыс салдарынан L9 көлігі тротуарға шығып кетіп, сол жерде велосипедшіні қағып кеткен. Кейін автомобиль басқа көлікпен соқтығысқан.

Жол апатынан Kia Rio жүргізушісі мен оның екі жолаушысы медициналық мекемеге жеткізілді. ДТП салдарынан қаза тапқандар жоқ. Оқиғаның мән-жайы анықталып жатыр.

Оқи отырыңыз:

3600 метр биіктікте адасқан үш турист құтқарылды

Мемлекеттік қызметшілер 2027 жылдан бастап жеке мүдделері туралы декларация тапсырады