3600 метр биіктікте адасқан үш турист құтқарылды

Алматы облысының тауларында үш турист түнде адасып, құтқарушылардың көмегіне жүгінді, деп хабарлайды Orda.kz.

Оқиға Қарасай ауданында, Үлкен Алматы асуының маңында болған. Үш турист шамамен 3600 метр биіктіктен таудан түсіп келе жатып жолдан адасқан. Өздері бағыт таба алмаған соң, құтқарушыларға хабарласқан.

«Бұтақты» бақылау-құтқару бекетінен Алматы қаласының Мониторинг және жедел ден қою орталығының құтқарушылары бірден іздеуге шықты. Мамандар туристермен байланыс орнатып, олардың нақты геолокациясын анықтаған.

Құтқарушылар туристерді тау бөктерінен «Алма-Арасан» шипажайына дейін аман-есен жеткізді. Үшеуіне де медициналық көмек қажет болмаған.

Төтенше жағдайлар қызметі тауға шығар алдында ауа райын, бағытты және байланыс мүмкіндігін алдын ала тексеріп, қауіпсіздік шараларын сақтауға шақырады.

Оқи отырыңыз:

Семей полигонының жабылғанына 35 жыл: Қасіреттен қарусыздануға дейін

Мемлекеттік қызметшілер 2027 жылдан бастап жеке мүдделері туралы декларация тапсырады