Астанада Джей Лоның концертіне байланысты жол қозғалысына шектеу қойылады

1 тамыз күні Қазақстан астанасында жол қозғалысына уақытша шектеу енгізіледі. Бұған себеп — әлемге әйгілі әнші Дженнифер Лопестің концерті, деп хабарлайды Orda.kz Астана қаласы әкімдігіне сілтеме жасап.

Астана қаласы әкімдігінің хабарламасында мынадай мәлімет берілген:

Төмендегі жерлерге көліктерді қоюға болады:

• «Астана Арена» стадионының аумағы;
• «Алау» мұз сарайының тұрағы;
• «Барыс Арена» МЛД аумағы;
• «Сарыарқа» велотрегі;
• Ботаникалық бақ (Бұқар жырау мен Орынбор көшелері жағынан);
• Керей мен Жәнібек хандар көшесі және басқа да тұрақ орындары.

Концерт көрермендерінің ыңғайы үшін арнайы шаттл-бас маршруттары ұйымдастырылады. Олар қаланың бес нүктесінен «Астана Арена» стадионына барып-қайту бағыты бойынша қатынайды:

• Астана циркі жанындағы тұрақ
• «Хазрет Сұлтан» мешіті жанындағы тұрақ
• «QAZAQSTAN» спорт кешені маңындағы тұрақ
• Тұран даңғылы жағындағы Орталық саябақ тұрағы
• «Бас мешіт» жанындағы тұрақ

Шаттл-автобустар екі бағытта – концерт басталғанға дейін және аяқталғаннан кейін жүреді. Көлік кептелісінен және тұрақ тапшылығынан сақтану үшін фестиваль қонақтарына қоғамдық көлікпен келуге кеңес беріледі.

Еске сала кетейік, бұған дейін, 21 мамырда, Дженнифер Лопестің өзінің Up All Night атты әлемдік туры аясында 10 тамыз күні Алматыда жеке концерт қоятыны белгілі болды.

Сондай-ақ, Джей Ло 1 тамыз күні Астанада да өнер көрсетеді. Әнші Қазақстан астанасына Әбу-Дабиден ұшып келеді. Концерт “Астана Арена” стадионында өтеді.

Бұдан бұрын Қазақстандағы алдағы концерттер туралы жаңа мәліметтермен «Астана концерт» продюсері Малик Хасенов пен First Media Group басшысы Альфия Нұрғұмарова бөліскен болатын.

Үкімет танымал әнші Дженнифер Лопестің Астанадағы концертіне 15 мыңға жуық турист келіп, мемлекеттік бюджетке  400 миллион теңге көлемінде салық түсетініне сенімді.