Астанада автобус самокат мінген жасөспірімді қағып кетті

13 тамызда Астанада Түркістан көшесінде маршруттық автобус аялдамаға кіріп келе жатқан кезде самокат мінген жасөспірімді қағып кеткен, деп хабарлайды Orda.kz. 

Полицияның мәліметінше, жасөспірім автобусқа қарсы бағытта, қоғамдық көлікке арналған жолақпен қозғалған. Жол-көлік оқиғасынан кейін ол медициналық мекемеге жеткізіліп, дәрігерлер тексерген соң амбулаториялық ем қабылдауға жіберілген.

Оқиғаның куәгері үш жасөспірімнің электрсамокатпен автобусқа қарсы бағытта келе жатқанын айтқан. Оның сөзінше, екеуі автобус пен бордюрдің арасынан өтіп үлгерген, ал үшіншісі автобуспен соқтығысқан.

Куәгердің айтуынша, оқиға кезінде самокат автобустың астында қалған, ал көліктің алдыңғы әйнегі сынған. Жасөспірімнің өзі аман қалған.

Полиция қазір оқиғаның мән-жайын анықтап, тексеру жүргізіп жатыр.

Оқи отырыңыз: 

• Колумбиядағы жер сілкінісінен қаза тапқандар саны 280-нен асты
• «Дайвинчик»: Танысуға арналған танымал Telegram-ботына сот арқылы тыйым салынды