Астана мен Алматыдан кейін полицияға көмекші робот-иттер Ақтауда қолданылады

Ақтауда қоғамдық қауіпсіздікті қамтамасыз ету үшін роботтандырылған платформалар қолданыла бастайды. Жаңа технологиялар құқық қорғау органдарына қоғамдық орындарды патрульдеуге, жедел жағдайды бақылауға және құқық бұзушылықтардың алдын алуға көмектеседі, деп хабарлайды Orda.kz.

Қазақстан Республикасы ішкі істер министрлігі баспасөз қызметінің мәліметінше, роботтар бейнебақылау жүйелерімен жабдықталған және ақпаратты нақты уақыт режимінде Жедел басқару орталығына жібере алады. Сонымен қатар, олар күдікті заттарды анықтап, түтін мен өртті тіркеп, шұғыл қызметтерге автоматты түрде белгі бере алады.

Бұған дейін робот-итті қызмет барысында Астана полициясы көрсеткен болатын. Қазіргі таңда роботтандырылған платформалар Астана мен Алматыда қолданылып жатыр. Енді заманауи технологиялар Ақтау қаласының тұрғындары мен қонақтарының қауіпсіздігін қамтамасыз етуге де қызмет ететін болады.

Еске салсақ, Маск 2026 жылдың соңында  Марсқа адам тәрізді робот ұшатынын жариялады. Миллиардер адам тәрізді Optimus роботы бар Starship «қызыл планетаға» ұшатынын айтты. Tesla және SpaceX негізін қалаушысының айтуынша, егер роботтың ұшырылуы сәтті болса, онда адамдары бар ғарыш кемелері 2029 жылы Марсқа жөнелтіледі, дегенмен бұл 2031 жылы болуы мүмкін.

Оқи отырыңыз:

• Маск 2026 жылдың соңында Марсқа адам тәрізді робот ұшатынын жариялады
• Ақтауда 1248 студент академиялық жауапсыздық күдігіне ілініп, 14-і оқудан шығарылды
• Балаң балағат айтса — айыппұлыңды дайында